द कश्मीर फाइल्स’ गुजरात, मध्य प्रदेश मध्येही करमुक्त

By, Sachin Deshmukh - March 13, 2022 09:00:07

0

प्रतिनिधी

नवी दिल्ली : दिग्दर्शक विवेक अग्निहोत्रीचा ‘द कश्मीर फाइल्स’ हा चित्रपट ११ मार्च रोजी प्रदर्शित झाला असून बॉक्स ऑफिसवर चित्रपटाने चांगली कमाई केली आहे. या चित्रपटाची कथा प्रेक्षकांच्या हृदयाला भिडणारी आहे. चित्रपट पाहिल्यानंतर बहुतेक प्रेक्षक खूप भावूक होत आहेत. हरियाणा सरकारने यापूर्वीच ‘द काश्मीर फाइल्स’ करमुक्त केले आहे आणि आता हा चित्रपट गुजरात आणि मध्य प्रदेश सरकारने राज्यातही करमुक्त केला आहे. The Kashmir Files’ Gujarat, Madhya Pradesh also tax free

गुजरात सरकारने ‘द काश्मीर फाइल्स’ गुजरातमध्ये करमुक्त करण्यात आली आहे. मुख्यमंत्री कार्यालयातून ही माहिती समोर आली आहे. हरियाणा सरकारने हा चित्रपट सहा महिन्यांसाठी करमुक्त केला आहे.

The Kashmir Files : “मॉब लिंचींग”वर तारस्वरात बोलणारी “जमियत ए लिबरल” गप्प का??, जावेद अख्तर, अरुंधती रॉय, स्वरा भास्कर आहेत कुठे??

‘द काश्मीर फाइल्स’ या चित्रपटात अनुपम खेर आणि मिथुन चक्रवर्ती यांच्या भूमिका अनेक दिग्गज कलाकार आहेत. याशिवाय या चित्रपटात पल्लवी जोशी, दर्शन कुमार, चिन्मय मांडलेकर, पुनीत इस्सार, भाषा यांच्याही भूमिका आहेत. ‘द काश्मीर फाइल्स’मधील अनुपम खेर यांच्या अभिनयाचे सर्वांकडून कौतुक होत आहे.

आत्तापर्यंत बॉलीवूड इंडस्ट्रीत काश्मीरवर अनेक चित्रपट बनले आहेत, पण काश्मीरचा सर्वात संवेदनशील मुद्दा दिग्दर्शकाने मांडण्याची ही पहिलीच वेळ आहे. काश्मिरी पंडितांच्या छातीत वर्षानुवर्षे पोटशूळ सारखी टोचणारी वेदना आता या चित्रपटातून समोर आली आहे.

‘द काश्मीर फाइल्स’ या चित्रपटात काश्मिरी पंडितांवरील अत्याचार आणि त्यांच्या बेघर होण्याची कहाणी दाखवण्यात आली आहे. दहशतवाद्यांनी काश्मिरी पंडितांना स्वतःचे घर सोडून पळून जाण्यास कसे भाग पाडले हे या चित्रपटात दाखवण्यात आले आहे.