मास्क विरोधी रॅली काढणाऱ्या अमेरिकन नागरिकाचा कोरोनामुळे मृत्यू; टेक्सासमध्ये काढली होती रॅली American citizen who staged anti-mask rally Died Due to Corona ; The rally was held in Texas

मास्क विरोधी रॅली काढणाऱ्या अमेरिकन नागरिकाचा कोरोनामुळे मृत्यू; टेक्सासमध्ये काढली होती रॅली

वृत्तसंस्था

टेक्सास : कोरोनाच्या पार्श्वभूमीवर अमेरिकेसह अनेक देशांत मास्क घालणे बंधनकारक आहे. पण, मास्कविरोधात चळवळ उभारणाऱ्या एकाचा कोरोना संसर्गामुळेच मृत्यू झाला आहे. कालेब वालेस, असे त्याचे नाव आहे. American citizen who staged anti-mask rally Died Due to Corona ; The rally was held in Texas

गेल्या काही दिवसांपूर्वी ३० वर्षीय कालेब वालेस याला कोरोनाची लागण झाली होती. तो एक महिना रुग्णालयात दाखल होता. ८ ऑगस्टपासून तो व्हेंटिलेटरवर होता. अखेर उपचारादरम्यान त्याचा मृत्यू झाला. कोरोनाने जेव्हा जगभरात थैमान घातले होते, तेव्हा अमेरिकेतील टेक्सासमध्ये कालेब वालेसने मास्कविरोधी चळवळ सुरु केली होती.

Corona In India : देशात गेल्या २४ तासांत ४६,७५९ नवीन रुग्ण, ५०९ रुग्णांचा मृत्यू, सक्रिय रुग्णसंख्या ३.६० लाखांवर

मास्क आणि अनेक निर्बंधांना कालेब वालेसने तीव्र विरोध केला. त्यासाठी एक संघटना स्थापन केली. गेल्या वर्षी जुलैमध्ये सेंट्रल टेक्सासमध्ये मास्कच्या विरोधात एक मोठा मोर्चा काढला होता. त्याने त्याला ‘स्वातंत्र्य रॅली’ असे नाव दिले. ज्याचे नेतृत्व स्वत: त्याने केले होते. तसेच सेंट्रल टेक्सासमध्ये काढलेल्या मास्क विरोधी रॅलीसाठी लोकांना उत्तेजन आणि पुढाकारही घेतला होता.