Winter Session : अधिवेशनाचा आज १०वा दिवस; राज्यसभेचे कामकाज दुपारी २.३० वाजेपर्यंत तहकूब

By, Vishal Joshi - December 10, 2021 01:45:06

0

संसदेच्या हिवाळी अधिवेशनाचा आज 10 वा दिवस आहे. हेलिकॉप्टर दुर्घटनेत सीडीएस बिपिन रावत यांच्यासह १३ जणांच्या मृत्यूनंतर श्रध्दांजली वाहण्यासाठी विरोधी पक्षांकडून काल सभागृहात कोणतीही निदर्शने झाली नाहीत, मात्र आज अनेक मुद्द्यांवर चर्चेसाठी विरोधकांकडून नोटीस देण्यात आली आहे. लोकसभेत खासदारांच्या प्रश्नांना उत्तरे देताना आरोग्यमंत्र्यांनी बुस्टर डोस कधी दिला जाणार याचीही माहिती दिली. Winter Session Today is the 10th day of the session, the proceedings of Rajya Sabha adjourned till 2.30 pm

वृत्तसंस्था

नवी दिल्ली : संसदेच्या हिवाळी अधिवेशनाचा आज 10 वा दिवस आहे. हेलिकॉप्टर दुर्घटनेत सीडीएस बिपिन रावत यांच्यासह १३ जणांच्या मृत्यूनंतर श्रध्दांजली वाहण्यासाठी विरोधी पक्षांकडून काल सभागृहात कोणतीही निदर्शने झाली नाहीत, मात्र आज अनेक मुद्द्यांवर चर्चेसाठी विरोधकांकडून नोटीस देण्यात आली आहे. लोकसभेत खासदारांच्या प्रश्नांना उत्तरे देताना आरोग्यमंत्र्यांनी बुस्टर डोस कधी दिला जाणार याचीही माहिती दिली.

राज्यसभेचे कामकाज दुपारी 2.30 वाजेपर्यंत तहकूब करण्यात आले आहे. याआधी, राज्यसभेत कामकाजादरम्यान, यूपीच्या रेवती रमण सिंह यांनी पीक मूल्यांकनाबाबत सरकारवर आरोप केले की, सरकार पिकाचे योग्य मूल्यांकन करत नाही, ज्याचा फायदा शेतकऱ्यांना नाही तर विमा कंपन्यांना होतो. राज्यसभा खासदार जया बच्चन यांनी ‘ग्रेटर नोएडाबाबत व्हिजन खूप दाखवले आहे, पण कारवाई कधी होणार?’, असा सवाल केला.

Congress MP Manish Tewari gives adjournment motion notice in Lok Sabha over the issue of inflation.

— ANI (@ANI) December 10, 2021

अधिवेशनाच्या 10 व्या दिवशी, केंद्रीय आरोग्य मंत्री मनसुख मांडविया यांनी लोकसभेत नवीन प्रकारावर लस प्रभावी असल्याच्या मुद्द्यावर सांगितले की, ओमिक्रॉनवर लस किती प्रभावी आहे याचा अभ्यास प्रयोगशाळेत केला जात आहे. त्यानंतरच ही लस किती प्रभावी ठरेल हे सांगता येईल. जीनोम सिक्वेन्सिंगसाठी सध्या देशात 36 प्रयोगशाळा उपलब्ध असून त्यापैकी 30,000 जीनोम सिक्वेन्सिंग करता येऊ शकते, असेही त्यांनी सांगितले. खासगी लॅबचा वापर करूनही ही क्षमता वाढवली जात आहे. मांडविया पुढे म्हणाले की, हा पॉलीमॉर्फिक व्हायरस आहे. फॉर्ममध्ये वेळोवेळी बदल होतो. नवीन उत्परिवर्ती म्हणून आम्ही त्यावर बारीक लक्ष ठेवून आहोत.