टेरर फंडिंग : कट्टरतावादी संघटना PFI वर पुणे, नवी मुंबई आणि मालेगावात छापे, 20 जणांना अटक

By, Pravin Pawar - September 22, 2022 12:05:27

0

वृत्तसंस्था

मुंबई : टेरर फंडिंग सारख्या विविध कारवायांमध्ये गुंतलेली कट्टरतावादी संघटना पॉप्युलर फ्रंट ऑफ इंडिया आता राष्ट्रीय तपास यंत्रणा एनआयए आणि ईडीच्या निशाण्यावर आली आहे. महाराष्ट्र सह तामिळनाडू बिहार केरळ कर्नाटक आदी 13 राज्यांमध्ये PFI च्या 100 हून अधिक ठिकाणांवर ही छापेमारी सुरू असून महाराष्ट्रात नवी मुंबईसह पुणे, मालेगावमध्ये ईडी आणि एएनआयने छापे घातले आहेत. या छाप्यांमध्ये आतापर्यंत 20 जणांना अटक करण्यात आली आहे. Raids on radical organization PFI in Pune, Navi Mumbai and Malegaon

पुण्यात चार ठिकाणी छापे सुरू आहेत. पीएफआयचे नेते रझी अहमद खान यांच्या कोंढव्यातील घरावर कारवाई करण्यात आली. पीएफआयशी संबंधित गुन्ह्यांत एनआयए, जीएसटी, ईडी आणि महाराष्ट्र एटीएस यांची संयुक्त कारवाई सुरू आहे. महाराष्ट्रातून आतापर्यंत पीएफआयच्या 20 जणांना अटक करण्यात आली आहे.

NIA sealed the Telangana PFI head office in Chandrayangutta, Hyderabad in connection with a case registered earlier by NIA. NIA, ED, Paramilitary along with local police sealed the PFI office. pic.twitter.com/yQzVyJWfDy

— ANI (@ANI) September 22, 2022

तर, नवी मुंबईतील नेरूळच्या सेक्टर 23 मधील धारावे गावातही एनआयएने छापे घातले आहेत. एनआयएच्या टीमनं मुस्लिम पहाटे 3.00 वाजता छापेमारी सुरू केली, तर दुसरीकडे मालेगावात ईडी, एएनआयने छापा घालून पीएफआय संघटनेच्या एका सदस्याला पहाटे ताब्यात घेतले आहे. सैफुरहेमान असे त्याचे नाव आहे.

NIA आणि ईडीने आतापर्यंत शंभरहून अधिक जणांना अटक करण्यात आल्याची माहिती समोर आली आहे. महाराष्ट्रातल्या पुणे, मुंबईसह 20 ठिकाणी NIA, EDने छापे घातले आहे. तर दिल्ली, एमपी, तामिळनाडू, तेलंगणा, यूपी, केरळ, कर्नाटक, आंध्र प्रदेशमध्ये ही छापेमारी सुरू आहे. PFIकडून अनेक घातपाती कारवायांचा धोका असल्याचा अलर्ट आल्यानंतर ही कारवाई करण्यात आल्याचं सांगण्यात येतंय. पॉप्युलर फ्रंट ऑफ इंडिया या कट्टर इस्लामी संघटनेची तीन लाख फॅमिली अकाऊंट आहेत. या खात्यांमध्ये फॅमिली मेन्टेनन्सच्या नावाखाली कतार, कुवैत, बहरीन आणि सौदी अरेबियातून 500 कोटी रुपये आले आहेत, अशी माहिती एनआयएच्या सूत्रांनी दिली आहे.