Neeraj Chopra : नीरज चोप्रा प्रथमच जागतिक अजिंक्यपद स्पर्धेच्या अंतिम फेरीत पोहोचला, 88 मीटर अंतरावर फेकला भाला|Neeraj Chopra Neeraj Chopra reaches World Championships final for first time, throws javelin 88m

Neeraj Chopra : नीरज चोप्रा प्रथमच जागतिक अजिंक्यपद स्पर्धेच्या अंतिम फेरीत पोहोचला, 88 मीटर अंतरावर फेकला भाला

वृत्तसंस्था

नवी दिल्ली : ऑलिम्पिक चॅम्पियन नीरज चोप्राने प्रथमच जागतिक अॅथलेटिक्स चॅम्पियनशिपच्या भालाफेक स्पर्धेच्या अंतिम फेरीत प्रवेश केला आहे. अमेरिकेत सुरू असलेल्या या चॅम्पियनशिपच्या गट फेरीच्या पहिल्याच प्रयत्नात त्याने ८८.३९ मीटर भाला फेक करून अंतिम फेरीचे तिकीट निश्चित केले.Neeraj Chopra Neeraj Chopra reaches World Championships final for first time, throws javelin 88m

२४ वर्षीय नीरजची ही तिसरी सर्वोत्तम कामगिरी ठरली. भारतीय वेळेनुसार रविवारी सकाळी ७.०५ वाजता अंतिम फेरी सुरू होईल.

नीरज चोप्रा ; परम विशिष्ट सेवा पदक प्रदान होणार प्रजासत्ताक दिनानिमित्त लष्कराकडून विशेष सन्मान

As the commentator predicted, "he wants one & done" #NeerajChopra does it pretty quickly & with ease before admin's laptop could wake up 🤣

With 88.39m, Olympic Champion from 🇮🇳 #India enters his first #WorldAthleticsChamps final in some style 🫡 at #Oregon2022 pic.twitter.com/y4Ez0Mllw6

— Athletics Federation of India (@afiindia) July 22, 2022

जागतिक अजिंक्यपद स्पर्धेतील पुरुषांच्या भालाफेक स्पर्धेत खेळाडूंना दोन गटात ठेवण्यात आले होते. या दोन्ही गटातील सर्वोत्तम 12 खेळाडूंना अंतिम फेरीत स्थान मिळणार होते. स्वयंचलित पात्रतेसाठी 83.50 मीटर स्केल निश्चित करण्यात आले होते. नीरजने पहिल्याच प्रयत्नात हा टप्पा पार करत अंतिम फेरीत प्रवेश केला. त्याला अ गटात स्थान देण्यात आले.

याआधी नीरज लंडनमध्ये 2017 च्या वर्ल्ड चॅम्पियनशिपमध्ये खेळला होता. येथे गट फेरीत तो भाल्याच्या साहाय्याने 82.26 मीटर अंतर पार करू शकला. अशा स्थितीत त्याला अंतिम फेरीत प्रवेश घेता आला नाही. त्यानंतर 2019 मध्ये दोहा येथे झालेल्या चॅम्पियनशिपमध्ये कोपराच्या शस्त्रक्रियेमुळे तो भाग घेऊ शकला नाही.