CM Arvind Kejriwal Holds Press Conference On Ration Door Step Delivery Scheme By Delhi Govt

डोर-टू-डोर रेशन योजना : केजरीवाल म्हणाले- जर पिझ्झा-बर्गरची होम डिलिव्हरी होते, तर मग रेशनची का नाही!

Ration Door Step Delivery Scheme : राजधानी दिल्लीत रेशनच्या डोर-टू-डोर वितरण योजनेसंदर्भात रविवारी मुख्यमंत्री अरविंद केजरीवाल यांनी पत्रकार परिषद घेतली. आपला मुद्दा ठामपणे मांडत त्यांनी या प्रेसच्या माध्यमातून थेट पंतप्रधान मोदींना अभिवादन करत त्यांच्याशी बोलण्याची इच्छा व्यक्त केली. CM Arvind Kejriwal Holds Press Conference On Ration Door Step Delivery Scheme By Delhi Govt


विशेष प्रतिनिधी

नवी दिल्ली : राजधानी दिल्लीत रेशनच्या डोर-टू-डोर वितरण योजनेसंदर्भात रविवारी मुख्यमंत्री अरविंद केजरीवाल यांनी पत्रकार परिषद घेतली. आपला मुद्दा ठामपणे मांडत त्यांनी या प्रेसच्या माध्यमातून थेट पंतप्रधान मोदींना अभिवादन करत त्यांच्याशी बोलण्याची इच्छा व्यक्त केली.

केजरीवाल यांनी या योजनेच्या अंमलबजावणीत येणाऱ्या अडथळ्यांबाबत आपली भूमिका मांडली. ते म्हणाले की, आज मी खूप अस्वस्थ आहे. डोर-टू-डोर रेशन योजना येत्या आठवड्यापासून दिल्लीत सुरू होणार होती. म्हणजे आता लोकांना रांगेत उभे राहावे लागणार नव्हते. उलट सरकार चांगल्या पद्धतीने उत्तम धान्य पॅक करून त्यांच्या घरापर्यंत आणून देणार आहे.

सर्व तयारी पूर्ण झाली होती, पुढच्या आठवड्यातच हा क्रांतिकारी उपक्रम सुरू होणार होता आणि अचानक दोन दिवसांपूर्वी आपण हे थांबविले. सर का? ते म्हणाले की, आम्ही या योजनेसाठी केंद्र सरकारकडून एकदा नव्हे तर पाच वेळा परवानगी घेतली, परंतु असे असूनही ती सुरू होण्याच्या आठवड्यापूर्वीच ती नाकारण्यात आली.

कायदेशीरदृष्ट्या आम्हाला केंद्राच्या मंजुरीची आवश्यकता नाही, परंतु आम्ही सौजन्याने हे केले. या योजनेवर बंदी घालण्याचे कारण केजरीवाल यांनी केंद्र सरकारला वारंवार विचारले. ते म्हणाले की, जेव्हा हायकोर्टाने या योजनेवर स्थगिती दिली नाही, तर मग तुम्ही कसे देऊ शकता. जेव्हा या देशात पिझ्झा, बर्गर, स्मार्टफोन आणि कपड्यांची होम डिलीव्हरी करता येते, तर गरिबांच्या घरात रेशन का नाही?

केंद्र सरकारच्या काही अधिकाऱ्यांचे म्हणणे आहे की, रेशन हे केंद्राचे आहे आणि ही योजना राबवून केजरीवाल सरकारला श्रेय लुटायचे आहे. माझ्यावर विश्वास ठेवा, मला या योजनेचे श्रेय अजिबात नको. मला ही योजना लागू करू द्या. हे राष्ट्रीय हिताचे आहे.

आत्तापर्यंत, मी राष्ट्रहिताच्या सर्व कामांमध्ये आपले समर्थन केले आहे. या योजनेच्या अंमलबजावणीमध्ये तुम्ही माझे समर्थन करा. आतापर्यंत सरकारने देशातील गरिबांना 75 वर्षांपासून रेशनच्या लांबच लांब रांगेत उभे केले. त्यांना आणखी 75 वर्षे रांगेत उभे राहू देऊ नका, अन्यथा ते आम्हाला कधीही क्षमा करणार नाहीत.

CM Arvind Kejriwal Holds Press Conference On Ration Door Step Delivery Scheme By Delhi Govt

महत्त्वाच्या बातम्या