भाजपाने भारत राष्ट्र समितीवर केली टीका; शेकडो विद्यार्थ्यांचे आंदोलन सुरू
विशेष प्रतिनिधी
तेलंगणा: एका विद्यार्थ्याच्या कथित आत्महत्येनंतर, शुक्रवार, 12 ऑक्टोबर रोजी हैदराबादच्या अशोक नगर भागात विद्यार्थ्यांचे मोठे आंदोलन सुरू झाले. शेकडो विद्यार्थी न्यायाच्या मागणीसाठी आणि महिला उमेदवाराच्या मृत्यूसाठी भारत राष्ट्र समिती सरकारला जबाबदार धरण्यासाठी सतत आंदोलन करत आहेत. Telangana State Public Service Commission exams are repeatedly canceled female candidate commits suicide
तेलंगणा राज्य लोकसेवा आयोग (टीएसपीएससी) परीक्षेची उमेदवार प्रवालिका तिच्या वसतिगृहाच्या खोलीत मृतावस्थेत आढळून आली होती. वारंगल येथील रहिवासी 23 वर्षीय प्रवालिका तेलंगणा राज्य लोकसेवा आयोगाच्या परीक्षेची तयारी करण्यासाठी हैदराबादला आली होती आणि गट-1 आणि गट-2 या दोन्ही परीक्षांचा प्रयत्न केला होता, असे प्राथमिक अहवालात नमूद करण्यात आले आहे. गट-1 च्या परीक्षा दोनदा रद्द करण्यात आल्या होत्या आणि गट-2 च्या परीक्षाही निवडणुकीमुळे पुन्हा पुढे ढकलण्यात आल्या होत्या.
परीक्षा वारंवार रद्द झाल्यामुळे निराश होऊन तरुणीने हे पाऊल उचलल्याचे सांगण्यात येत आहे. तिचे कुटुंबीय आणि मित्रांनी सांगितले की, “परीक्षा वारंवार रद्द झाल्यामुळे ती खूप व्यथित होती. तिच्या एका जवळच्या मैत्रिणीने सांगितले की, “जेव्हा परीक्षा पुढे ढकलल्या जात होत्या, तेव्हा तिला खासगी वसतिगृहात राहण्यासाठी संघर्ष करावा लागला होता. आत्महत्येची बातमी सोशल मीडियावर वेगाने पसरली आणि शेकडो विद्यार्थी तिच्या वस्तीगृहाजवळ जमा झाले.
भाजप खासदार डॉ. के लक्ष्मण यांनी ट्विट करून म्हटले की, “कुमारी प्रवल्लिका या कष्टाळू विद्यार्थिनीची आत्महत्या ही अत्यंत वेदनादायी बातमी आहे. ती अनेक महिन्यांपासून सरकारी परीक्षांची तत्परतेने तयारी करत होती. परंतु बीआरएस सरकारमुळे परीक्षा वारंवार रद्द केल्यामुळे आणि पुढे ढकलण्यात आल्याने तिने एवढे मोठे पाऊल उचलले आहे.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more
Download App
