तेजस्वी यादव उतरले होते NEET पेपर फुटीच्या आरोपीच्या बचावात, पण राहुल गांधींचे मोदींवर शरसंधान!!

By, Pravin Wankhade - June 20, 2024 05:00:26

0

विशेष प्रतिनिधी

नवी दिल्ली : राष्ट्रीय पातळीवरची प्रवेश परीक्षा NEET मधल्या पेपर फुटीच्या आरोपींच्या बचावात तेजस्वी यादव उतरले होते. त्यांच्या पीए ने पेपर फुटीच्या मुख्य आरोपींच्या अकॉमोडेशनची व्यवस्था केली, पण दुसरीकडे राहुल गांधींनी दिल्लीत पत्रकार परिषद घेऊन थेट पंतप्रधान नरेंद्र मोदींवर शरसंधान साधले. On NEET issue & UGC-NET exam cancellation, Congress MP Rahul Gandhi says

NEET चे पेपर फुटले त्यामुळे सरकारला संपूर्ण परीक्षा रद्द करावी लागली. देशभर विद्यार्थ्यांमध्ये संताप उसळला. अस्वस्थतेची भावना तयार झाली. नव्यानेच तिसऱ्यांदा सत्तारूढ झालेले मोदी सरकार राजकीय दृष्ट्या अडचणीत सापडले पण त्याचवेळी बिहार मधल्या NEET पेपर फुटीची वेगळीच बातमी समोर आली.

#WATCH | Patna: On NEET issue, Bihar Deputy CM Vijay Sinha says, "On May 1, Tejashwi Yadav's personal secretary Pritam Kumar called guesthouse worker Pradip Kumar to book a room for Sikander Kumar Yadavendu… On May 4, Pritam Kumar called Pradip Kumar again for booking the… pic.twitter.com/nG7UAFJTs7

— ANI (@ANI) June 20, 2024

NEET पेपर फुटी संदर्भात अटक केलेला आरोपी आणि मास्टर माईंड सिकंदर यादवेंदू याला नॅशनल हायवे गेस्ट हाऊस मध्ये रूम बुकिंग साठी तेजस्वी यादवांचा पीए प्रीतम कुमारने मदत केली. प्रीतम कुमार याने नॅशनल हायवे अधिकारी प्रदीप कुमार यांच्या फोनवर संपर्क करून सिकंदर कुमार यादवेंदू याच्यासाठी 1 मे आणि 4 मे या दोन दिवशी रूम बुकिंग साठी सांगितले. त्यातल्या 1 मे रोजी बुकिंग संदर्भात कोणी ऐकले नाही. परंतु 4 मे रोजी प्रीतम कुमार याने पुन्हा फोन करून रूम बुकिंग संदर्भात सांगितले. सिकंदर कुमार यादव इंदू नॅशनल हायवेच्याच गेस्ट हाऊस मध्ये उतरला. परंतु त्याची पावती मात्र बनवली गेली नाही, असा आरोप बिहारचे उपमुख्यमंत्री विजय सिन्हा यांनी पत्रकार परिषद घेऊन केला. या पत्रकार परिषदेत विजय सिन्हा यांनी तेजस्वी यादवांचा पीए प्रीतम कुमार याच्या मोबाईल फोनवरून झालेल्या संभाषणाचे सगळे डिटेल्स नंबर सकट सादर केले. संभाषणादरम्यान तेजस्वी यादव यांचा उल्लेख “मंत्रीजी” असा करण्यात आल्याचे विजय सिन्हा यांनी नमूद केले.

राहुल गांधींचे मोदींवर शरसंधान

एकीकडेNEET परीक्षा पेपर फुटी तेजस्वी यादव यांच्या पीए चे नाव आल्यानंतर दुसरीकडे राहुल गांधींनी काँग्रेसच्या मुख्यालयात पत्रकार परिषद घेऊन थेट पंतप्रधान नरेंद्र मोदींवर प्रत्यारोप केले. नरेंद्र मोदी आणि त्यांच्या पितृसंस्थेने गेल्या 10 वर्षांमध्ये ताब्यात घेतलेल्या शिक्षण व्यवस्थेमुळे पेपर फुटले. एकीकडे नरेंद्र मोदी रशिया आणि युक्रेन यांच्यातले युद्ध एका कॉलवर थांबवू शकत असल्याचे सांगितले गेले, तसाच हस्तक्षेप त्यांनी गाझामध्ये केल्याचेही बोलले गेले. पण नरेंद्र मोदी भारतातली पेपर फुटी थांबू शकले नाहीत, असा टोला राहुल गांधींनी हाणला.

#WATCH | On NEET issue & UGC-NET exam cancellation, Congress MP Rahul Gandhi says,"…Silence (of govt) is because the PM is crippled. Right now, the PM's main agenda is the (election of) Speaker. He is bothered about his govt and Speaker…The PM has psychologically collapsed… pic.twitter.com/MAlQWcpCPM

— ANI (@ANI) June 20, 2024

नरेंद्र मोदींचे पेपर फुटी आणि विद्यार्थ्यांचे भवितव्य या महत्त्वाच्या विषयाकडे लक्षच नाही. कारण त्यांना लोकसभेच्या सभापतीची निवड करायची आहे. त्याखेरीस त्यांना दुसरा कुठलाही मुद्दा सूचत नाही. त्यांना आपले अल्पमतातले सरकार वाचविणे अवघड झाले आहे. नरेंद्र मोदी त्यामुळे द्विधा मनस्थितीत आहेत. मानसिक दृष्ट्या खचले आहेत, शेरेबाजी राहुल गांधी यांनी केली. मात्र पेपर फुटी मध्ये तेजस्वी यादव आणि त्यांचा पीए यांचा नेमका काय आणि कसा हात होता??, ते मुख्य आरोपीच्या अकमोडेशनची सरकारी गेस्ट हाउस मध्ये का सोय करत होते??, याविषयी त्यांना कोणी प्रश्न विचारले नाहीत त्यामुळे त्यांनी त्याची उत्तरे दिली नाहीत.