के. कवितांचा अंतरिम जामीन अर्ज फेटाळला; मुलाच्या परीक्षेचे सांगितले होते कारण, दिल्ली मद्य धोरणप्रकरणी 15 मार्चला अटक

By, Pravin Wankhade - April 9, 2024 05:00:39

0

वृत्तसंस्था

नवी दिल्ली : तेलंगणाचे माजी मुख्यमंत्री केसीआर यांच्या कन्या के. कवितांचा अंतरिम जामीन अर्ज राऊस ॲव्हेन्यू कोर्टाने सोमवारी फेटाळला. विशेष न्यायाधीश कावेरी बावेजा यांनी ही याचिका फेटाळली आणि त्यांना अंतरिम जामीन देण्याची ही योग्य वेळ नसल्याचे सांगितले.K. Kavita’s interim bail application rejected; Arrested on March 15 in Delhi Liquor Policy case because the child’s examination was told

कविता यांनी आपल्या 16 वर्षांच्या मुलाच्या परीक्षेचे कारण देत अंतरिम जामीन मागितला होता. त्यांनी कोर्टात सांगितले की, आपल्या मुलाला त्याच्या आईच्या नैतिक आणि भावनिक आधाराची गरज आहे. ईडीने या युक्तिवादाला विरोध केला आणि म्हटले की त्या पुराव्यांशी छेडछाड करू शकतात. साक्षीदारांवर देखील प्रभाव टाकू शकतात.

केजरीवालांच्या जामीनावरचा निर्णय राऊज कोर्टाने ठेवला राखून, पण ते कवितांचा जामीन अर्ज सुप्रीम कोर्टाने फेटाळला!!

ईडीने 15 मार्च रोजी मनी लाँड्रिंग प्रकरणात अटक केली होती

दिल्ली मद्य धोरण प्रकरणाशी संबंधित मनी लाँड्रिंग प्रकरणात ईडीने कवितांना हैदराबादमधील बंजारा हिल्स येथून 15 मार्च रोजी अटक केली होती. त्या 23 मार्चपर्यंत ईडीच्या कोठडीत होत्या. 26 मार्च रोजी दिल्लीच्या राऊस अव्हेन्यू कोर्टाने त्यांना 9 एप्रिलपर्यंत न्यायालयीन कोठडी सुनावली होती. तेव्हापासून कविता तिहार तुरुंगात आहे.

ईडीने मनी लाँड्रिंगशी संबंधित प्रकरणांमध्ये नियमांचा हवाला देत त्यांच्या याचिकेला विरोध केला होता. यापूर्वी 22 मार्च रोजी सुप्रीम कोर्टाने कविताला जामीन देण्यास नकार दिला होता. सर्वोच्च न्यायालयाने त्यांना जामिनासाठी ट्रायल कोर्टात जाण्याचे निर्देश दिले होते.

दिल्ली मद्य घोटाळ्यात कविताचं नाव कधी आलं?

दिल्ली मद्य घोटाळा प्रकरणी ED ने 30 नोव्हेंबर 2022 रोजी गुरुग्राममधून व्यापारी अमित अरोरा याला अटक केली होती. ईडीच्या म्हणण्यानुसार, अमितने आपल्या जबानीत. कवितांचं नाव घेतलं.

कविता ‘साउथ ग्रुप’ नावाच्या मद्य लॉबीची प्रमुख नेता असल्याचा दावा तपास यंत्रणेने केला होता. त्यांनी विजय नायर यांच्यामार्फत दिल्लीतील आप सरकारच्या नेत्यांना 100 कोटी रुपये दिले होते. गोवा आणि पंजाब विधानसभा निवडणुकीत ‘आप’ने हा पैसा वापरला.

फेब्रुवारी 2023 मध्ये सीबीआयने कवितांचे अकाउंटंट बुचीबाबू गोरंटला यांना अटक केली. ईडीने बुचीबाबूचीही चौकशी केली होती. त्यानंतर ईडीने हैदराबादचे व्यापारी अरुण रामचंद्रन पिल्लई यांना 7 मार्च 2023 रोजी अटक केली.

कविता आणि आम आदमी पार्टीमध्ये करार झाल्याचे पिल्लई यांनी चौकशीदरम्यान सांगितले होते. या अंतर्गत 100 कोटी रुपयांचा व्यवहार झाला, ज्यामुळे कविताच्या कंपनी ‘इंडोस्पिरिट्स’ला दिल्लीतील दारू व्यवसायात प्रवेश मिळाला. पिल्लई यांनी असेही सांगितले की एक बैठक झाली ज्यामध्ये ते, कविता, विजय नायर आणि दिनेश अरोरा उपस्थित होते. दिलेल्या लाचेच्या वसुलीवर या बैठकीत चर्चा झाली.

साऊथ ग्रुप म्हणजे काय?

साऊथ ग्रुप हा दक्षिणेतील राजकारणी, व्यापारी आणि नोकरशहा यांचा समूह आहे. यामध्ये अरबिंदो फार्माचे प्रवर्तक शरत रेड्डी, वायएसआरसीपी लोकसभा खासदार एम. श्रीनिवासुलू रेड्डी, त्यांचा मुलगा राघव मागुंता आणि कविता यांचा समावेश होता. या गटाचे प्रतिनिधित्व अरुण पिल्लई, अभिषेक बोईनपल्ली आणि बुचीबाबू यांनी केले. या तिघांनाही दारू घोटाळ्यात अटक करण्यात आली आहे.