काँग्रेस नेत्यांशी संबंधित संघटना RSSच्या नावाचा करत आहे गैरवापर – भाजपचा आरोप!

By, Pravin Wankhade - April 9, 2024 09:00:08

0

निवडणूक आयोगाकडेही केली आहे तक्रार

विशेष प्रतिनिधी

नवी दिल्ली : आगामी लोकसभा निवडणुकीसाठी दोन आठवड्यांहून कमी कालावधी शिल्लक आहे. अशा स्थितीत राजकीय पक्षांनी प्रचारात सर्व ताकद पणाला लावली असून एकमेकांविरोधातील वक्तव्ये तीव्र केली आहेत. दरम्यान, भारतीय जनता पक्षाने सोमवारी आरोप केला आहे की काँग्रेस नेत्यांशी संबंधित एक संघटना आगामी निवडणुकीपूर्वी सत्ताधारी पक्षाच्या विरोधात अपप्रचार करण्यासाठी राष्ट्रीय स्वयंसेवक संघाच्या नावाचा गैरवापर करत आहे. त्यांच्यावर कठोर कारवाई करण्याची मागणी पक्षाने निवडणूक आयोगाकडे केली आहे. Organizations related to Congress leaders are talking about RSS BJPs allegation

अरुण सिंग, संजय मयुख आणि ओम पाठक यांच्यासह पक्षाच्या नेत्यांच्या शिष्टमंडळाने निवडणूक आयोगाकडे धाव घेतली. त्यांनी यासंदर्भात तक्रार दाखल करून या कथित बनावट संघटनेविरुद्ध एफआयआर नोंदवण्याची आणि काँग्रेसला नोटीस बजावण्याची मागणी केली. या आरोपावर काँग्रेसकडून अद्याप कोणतीही प्रतिक्रिया आलेली नाही.

लोकसभा निवडणुकीपूर्वी काँग्रेसला आणखी एक झटका, गौरव वल्लभ यांनी दिला राजीनामा

भाजपचे राष्ट्रीय संघटन सचिव अरुण सिंह यांनी पत्रकारांशी बोलताना ही संघटना बेकायदेशीरपणे आरएसएसच्या नावाचा वापर करून संभ्रम निर्माण करत असून लोकांची दिशाभूल करण्याचा प्रयत्न करत आहे, तर सर्वोच्च न्यायालयानेही त्या संघटनेच्या नोंदणीवर बंदी घातली आहे.

त्यांनी निवडणूक आयोगाच्या अधिकाऱ्यांची भेट घेतली. यानंतर ते म्हणाले की, संभ्रम निर्माण करण्यासाठी आणि देशातील जनतेची दिशाभूल करण्यासाठी काँग्रेस नेते राहुल गांधी आणि सोनिया गांधी यांच्या सांगण्यावरून आरएसएसच्या नावाने बनावट संघटना तयार करण्यात आली आहे. काँग्रेस सेवा दलाचे प्रमुख या बनावट संघटनेचे नेतृत्व करत असल्याचा आरोप त्यांनी केला. सिंग म्हणाले की, संघटना लोकांपर्यंत पोहोचत आहे आणि त्यांना सांगत आहे की त्यांनी भाजपचा पराभव निश्चित केला पाहिजे.