काश्मीरमध्ये सलग दुसऱ्या दिवशी धरणीकंप

By, Sachin Deshmukh - February 17, 2022 09:05:37

0

विशेष प्रतिनिधी

जम्मू : काश्मीरमध्ये गुरुवारी सकाळी भूकंपाचे धक्के जाणवले. नॅशनल सेंटर फॉर सिस्मॉलॉजीनुसार, आज पहाटे ३.०२ वाजता कटरा पूर्वेला ३.५ रिश्टर स्केलचा भूकंप झाला. भूकंपाचे धक्के जाणवल्यानंतर लोक घराबाहेर पळाले. भूकंपामुळे जीवित किंवा मालमत्तेला कोणताही धोका झाल्याचे वृत्त नाही. Earthquake shakes Kashmir for second day in a row

याआधी बुधवारी (१६ फेब्रुवारी) राज्यात भूकंपाचे धक्के जाणवले. बुधवारी, त्याचा केंद्रबिंदू पहलगामच्या दक्षिण-नैऋत्येस १५ किमी भागात होता. त्यानंतर त्याची तीव्रता ३.२ मोजली गेली. याआधी १० फेब्रुवारीला पर्यटन स्थळ असलेल्या गुलमर्गमध्येही भूकंपाचे धक्के जाणवले होते. त्यानंतर त्याची तीव्रता ३.८ इतकी मोजली गेली. याशिवाय ५ फेब्रुवारीला ५.७ रिश्टर स्केलचा भूकंप झाला होता. जम्मू विभागातील उधमपूर, डोडा, किश्तवार, पुंछ तसेच काश्मीर खोऱ्यात भूकंपाचे धक्के जाणवले.

पाकिस्तानी घुसखोरांचा खात्मा, ३६ किलो ड्रग जप्त; सीमा सुरक्षा दलाची जम्मू – काश्मीरमध्ये कारवाई

काश्मीरमध्ये बुधवारी पहाटेही भूकंपाचे धक्के जाणवले. पहाटे ५.४३ वाजता पहलगामपासून १५ किमी दक्षिण-नैऋत्य भागात ३.२ रिश्टर स्केलचा भूकंप झाला, अशी माहिती नॅशनल सेंटर फॉर सिस्मॉलॉजीने दिली.

नॅशनल सेंटर फॉर सिस्मॉलॉजीच्या आकडेवारीनुसार, देशात एका वर्षात ९६५ किरकोळ आणि मोठे भूकंप झाले. १ जानेवारी २०२० ते ३१ डिसेंबर २०२० या कालावधीत देशात एकूण ९६६ लहान-मोठे भूकंपांची नोंद झाली. दिलासादायक बाब म्हणजे हे सर्व भूकंप कमी तीव्रतेचे होते, त्यामुळे कोणतीही मोठी हानी झाली नाही.