WAVES 2025 परिषदेपूर्वी केंद्र सरकार कंटेंट क्रिएटर्ससाठी ८३ हजार कोटी रुपये देणार

By, Pravin Wankhade - March 15, 2025 06:30:30

0

केंद्रीय माहिती आणि प्रसारण मंत्री अश्विनी वैष्णव यांनी दिली या निर्णयाची माहिती

विशेष प्रतिनिधी

नवी दिल्ली : WAVES 2025 डिजिटल कंटेंट क्रिएटर्सना प्रोत्साहन देण्यासाठी भारत सरकारने १ अब्ज डॉलर्स निधीची घोषणा केली आहे. केंद्रीय माहिती आणि प्रसारण मंत्री अश्विनी वैष्णव यांनी WAVES 2025 शिखर परिषदेपूर्वी झालेल्या उच्चस्तरीय बैठकीत या निर्णयाची माहिती दिली.WAVES 2025

माहिती आणि प्रसारण मंत्रालयाने (MIB) आयोजित केलेल्या या कार्यक्रमाचे उद्दिष्ट १ ते ४ मे २०२५ दरम्यान मुंबईत होणाऱ्या जागतिक ऑडिओ व्हिज्युअल आणि मनोरंजन शिखर परिषदेच्या (WAVES) २०२५ आधी आंतरराष्ट्रीय समुदायाला सहभागी करून घेणे होते.

Eknath Shinde काँग्रेसची एकनाथ शिंदेंना मुख्यमंत्रिपदाची ऑफर; अजित पवारांनाही साद, नाना पटोलेंचा प्रस्ताव

वेव्हज २०२५ ही एक आंतरराष्ट्रीय मीडिया आणि मनोरंजन परिषद आहे, जी १ ते ४ मे दरम्यान मुंबईत आयोजित केली जाईल. या कार्यक्रमात कंटेंट क्रिएटर्स, मीडिया प्रोफेशनल्स, तंत्रज्ञान तज्ञ आणि उद्योगातील लीडर्स एकाच व्यासपीठावर एकत्र येतील. केंद्रीय मंत्री वैष्णव म्हणाले की, या निधीचा उद्देश उच्च-मूल्याच्या डिजिटल सामग्री निर्मितीला प्रोत्साहन देणे आणि नवीन प्रतिभांना संधी प्रदान करणे आहे.