अमेरिका आणि फ्रान्सने केले पंतप्रधान मोदींचे कौतुक : म्हणाले- 'पुतीन यांना समरकंदमध्ये दिलेला संदेश पूर्णपणे योग्य'|America and France praised PM Modi Said- 'The message given to Putin in Samarkand was absolutely correct'

अमेरिका आणि फ्रान्सने केले पंतप्रधान मोदींचे कौतुक : म्हणाले- ‘पुतीन यांना समरकंदमध्ये दिलेला संदेश पूर्णपणे योग्य’

वृत्तसंस्था

नवी दिल्ली : अमेरिका आणि फ्रान्सने पंतप्रधान नरेंद्र मोदींचे जोरदार कौतुक केले आहे. जिथे अमेरिकेचे राष्ट्रीय सुरक्षा सल्लागार जेक सुलिवान म्हणाले की, पंतप्रधान मोदींनी समरकंदमध्ये रशियाचे अध्यक्ष पुतीन यांना जे सांगितले ते पूर्णपणे बरोबर आहे. त्याचवेळी फ्रान्सचे राष्ट्राध्यक्ष इमॅन्युएल मॅक्रॉन यांनीही यूएनजीएमध्ये पंतप्रधान नरेंद्र मोदींचे कौतुक केले.America and France praised PM Modi Said- ‘The message given to Putin in Samarkand was absolutely correct’

एजन्सीच्या म्हणण्यानुसार, व्हाईट हाऊसच्या बाजूने सांगण्यात आले की, पीएम मोदींनी रशियाचे अध्यक्ष व्लादिमीर पुतीन यांना संदेश दिला, तो पूर्णपणे बरोबर आहे. अमेरिकेने या विधानाचे स्वागत केले आहे. पंतप्रधान मोदींच्या वक्तव्यावर विचारलेल्या प्रश्नाला उत्तर देताना अमेरिकेचे राष्ट्रीय सुरक्षा सल्लागार जेक सुलिव्हन म्हणाले की, पंतप्रधान मोदी जे बोलले ते पूर्णपणे बरोबर आहे.”

पुतीन यांना जिवे मारण्याचा कट : कार बॉम्बने उडवण्याचा प्रयत्न, रशियन राष्ट्राध्यक्षांचा ताफा रुग्णवाहिकेने रोखला

त्याचवेळी फ्रान्सचे राष्ट्राध्यक्ष इमॅन्युएल मॅक्रॉन यांनी यूएनजीएमध्ये सांगितले की, पंतप्रधान मोदींनी समरकंदमध्ये बरोबरच सांगितले होते की ही युद्धाची वेळ नाही. पाश्चिमात्यांशी सूड उगवण्यासाठी किंवा पूर्वेला पश्चिमेला विरोध करण्यासाठी नाही. आपल्यासारख्या सार्वभौम राष्ट्रांसमोरील आव्हानांचा सामना करण्याची हीच वेळ आहे.

पीएम मोदी पुतीन यांना काय म्हणाले?

खरे तर पंतप्रधान नरेंद्र मोदी यांनी रशियाचे राष्ट्राध्यक्ष व्लादिमीर पुतीन यांना उझबेकिस्तानमधील समरकंद येथे झालेल्या शांघाय कोऑपरेशन ऑर्गनायझेशन शिखर परिषदेत द्विपक्षीय बैठकीत सांगितले होते की, ही युद्धाची वेळ नाही. मी तुमच्याशी कॉलवरदेखील याबद्दल बोललो. आज आपल्याला शांतता कशी प्रस्थापित करावी याबद्दल बोलायचे आहे. प्रगतीचा मार्ग कसा मोकळा करायचा. भारत आणि रशिया अनेक दशकांपासून एकमेकांसोबत आहेत.

पुतीन यांचे पीएम मोदींना आश्वासन

यानंतर राष्ट्राध्यक्ष पुतिन यांनी पंतप्रधान मोदींना सांगितले की, युक्रेन संघर्षावर तुमची भूमिका मला माहीत आहे. मला तुमची चिंता समजते. मला माहिती आहे की, तुम्हाला या चिंता समजल्या आहेत. हे संकट लवकरात लवकर संपावे अशी आमची इच्छा आहे. पण दुसरा पक्ष- युक्रेन, त्यांना संवाद प्रक्रियेत सहभागी व्हायचे नाही. ते म्हणतात की, त्यांना युद्धभूमीवर त्यांचे ध्येय साध्य करायचे आहे. यासंबंधीच्या संपूर्ण घडामोडींची माहिती आम्ही तुम्हाला देत राहू.