वृत्तसंस्था
वॉशिंग्टन : अमेरिकेच्या इंडियाना राज्यातील एका मॉलमध्ये गोळीबार झाला आहे. या घटनेत 3 जणांचा मृत्यू झाला आहे. 2 जण जखमी झाले आहेत. मिळालेल्या माहितीनुसार, एका सशस्त्र नागरिकाने हल्लेखोराची हत्या केली आहे. सध्या गोळीबाराचे कारण समजू शकलेले नाही.US mall shooting 3 dead, 2 injured; An armed citizen killed the assailant
सशस्त्र नागरिकाने हल्लेखोरावर गोळीबार केला
एका पोलीस अधिकाऱ्याने सांगितले की, ही घटना ग्रीनवुड पार्क मॉलमध्ये घडली. ग्रीनवुड पोलिस विभागाचे प्रमुख जिम इसन म्हणाले – एक अज्ञात व्यक्ती मॉलच्या फूड कोर्टमध्ये घुसला. त्याने अंदाधुंद गोळीबार सुरू केला. यानंतर मॉलमध्ये उपस्थित असलेल्या अन्य एका नागरिकाने हल्लेखोरावर गोळीबार केला. त्यामुळे हल्लेखोराचा मृत्यू झाला.
संशयास्पद बॅगही सापडली
इसन म्हणाले- मॉल इंडियानापोलिसपासून 16 किलोमीटर अंतरावर आहे. 130 हून अधिक इनडोअर आणि आउटडोअर रेस्टॉरंट्स आणि दुकाने आहेत. या गोळीबारात एकूण 4 जणांचा मृत्यू झाला आहे. यात दोन जण जखमी झाले असून, त्यांना उपचारासाठी रुग्णालयात दाखल करण्यात आले आहे. ते म्हणाले- आम्हाला फूड कोर्टजवळील टॉयलेटमधून एक संशयास्पद बॅगही सापडली आहे. या संपूर्ण प्रकरणाची चौकशी करण्यात येत आहे.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more
Download App