FACEBOOK : आता फेसबुकचे नाव बदलणार , मार्क झुकरबर्ग लवकरच घोषणा करणार

By, Ayesha Tamboli - October 20, 2021 03:23:08

0

पुढील आठवड्यात फेसबुकवरील एका कार्यक्रमात नवीन नावाची घोषणा केली जाऊ शकते.FACEBOOK: Now Facebook will change its name, Mark Zuckerberg will announce soon

विशेष प्रतिनिधी

नवी दिल्ली : गेल्या १७ वर्षांपासून फेसबुक याच नावाने ओळखले जाते, पण आता त्याच्या पुन्हा ब्रँडिंगची तयारी सुरू आहे.फेसबुकचे नाव बदलणार असल्याचे वृत्त असून त्याची अधिकृत घोषणा लवकरच फेसबुकचे सीईओ मार्क झुकरबर्ग करणार आहेत. पुढील आठवड्यात फेसबुकवरील एका कार्यक्रमात नवीन नावाची घोषणा केली जाऊ शकते.

द व्हर्जच्या अहवालानुसार, २८ ऑक्टोबर रोजी एक फेसबुक परिषद होणार आहे ज्यात मार्क झुकरबर्ग फेसबुकच्या नवीन नावाची घोषणा करू शकतो.अहवालात असे म्हटले आहे की फेसबुक अॅप व्यतिरिक्त, कंपनीच्या इतर उत्पादनांच्या नावांविषयी देखील मोठ्या घोषणा होऊ शकतात जसे की Instagram, whatsapp , oculus इत्यादी, जरी या अहवालावर फेसबुककडून कोणतीही अधिकृत टिप्पणी करण्यात आलेली नाही अद्याप.

अबब…मार्क झुकरबर्गच्या सुरक्षेसाठी फेसबुकने वर्षात खर्च केले १७१ कोटी रुपये

या आठवड्याच्या सुरुवातीला, फेसबुकने सांगितले की ती आता एक मेटावर्स कंपनी बनणार आहे, ज्यासाठी त्याने १०,००० लोकांना नियुक्त केले आहे आणि भविष्यात इतर नेमणुका होतील. मेटाव्हर्स म्हणजे एक आभासी जग आहे. ज्यामध्ये लोक शारीरिकरित्या उपस्थित नसले तरीही अस्तित्वात असतात.

केवळ फेसबुकच नाही तर जगातील मोठ्या टेक कंपन्या मेटावर्समध्ये गुंतवणूक करत आहेत.मार्क झुकरबर्गचा विश्वास आहे की येत्या काळात लोकांना फेसबुक ही फक्त एक सोशल मीडिया कंपनी नसून मेटावर्स कंपनी म्हणून ओळखेल.

फेसबुक आपले वास्तविक आणि आभासी जगातील अनुभव निर्माण करण्यासाठी पाच वर्षांमध्ये मोठ्या प्रमाणावर भरती करेल. फ्रान्स, जर्मनी, आयर्लंड, इटली, नेदरलँड्स, पोलंड आणि स्पेनसह इतर देशांमध्ये या भरती मोहिमेत लोकांना नियुक्त केले जाईल.