माजी क्रिकेटपटू पार्थिव पटेलच्या वडिलांचे निधन, चाहत्यांना दिला हा भावनिक संदेश

By, Ayesha Tamboli - September 26, 2021 03:39:38

0

पार्थिवचे वडील अजयभाई बिपीनचंद्र पटेल २०१९ पासून ब्रेन हेमरेजसह लढा देत होते. पार्थिवने ट्वीट केले, ‘माझे वडील श्री अजयभाई बिपीनचंद्र पटेल यांचे २६ सप्टेंबर रोजी निधन झाले हे कळवताना अत्यंत दुःख होत आहे.Former cricketer Parthiv Patel’s father has passed away, giving an emotional message to the fans

विशेष प्रतिनिधी

नवी दिल्ली : टीम इंडियाचे माजी यष्टीरक्षक फलंदाज पार्थिव पटेल यांच्या वडीलांचे रविवारी निधन झाले.पार्थिवने ट्विट करून या दुःखद बातमीची माहिती दिली. पार्थिवचे वडील अजयभाई बिपीनचंद्र पटेल २०१९ पासून ब्रेन हेमरेजसह लढा देत होते. पार्थिवने ट्वीट केले, ‘माझे वडील श्री अजयभाई बिपीनचंद्र पटेल यांचे २६ सप्टेंबर रोजी निधन झाले हे कळवताना अत्यंत दुःख होत आहे.

आम्ही तुम्हाला विनंती करतो की तुम्ही त्याला तुमच्या विचारांमध्ये आणि प्रार्थनेत लक्षात ठेवा.त्यांच्या आत्म्यास शांती लाभो.गेली दोन वर्षे पार्थिव पटेलसाठी खूप आव्हानात्मक होती. २०१९ मध्ये पार्थिवने सोशल मीडियावर वडिलांच्या प्रकृतीविषयी माहिती दिली होती.

पार्थिव त्यावेळी आयपीएल २०१९ मध्ये रॉयल चॅलेंजर्स बेंगलोर (आरसीबी) संघाचा भाग होता. पार्थिवने ट्विट केले होते की, त्याचे वडील ब्रेन हेमरेजमुळे ग्रस्त आहेत. आयपीएल २०१९ मध्ये आरसीबीसाठी सर्वाधिक धावा करणारा पार्थिव तिसरा होता.

विराट कोहलीचा चाहत्यांना पुन्हा एकदा धक्का, आयपीएल 2021 नंतर RCBचे कर्णधारपद सोडण्याचा निर्णय

या डावखुऱ्या फलंदाजाने त्या मोसमात एकूण ३७३ धावा केल्या होत्या. RCB व्यतिरिक्त, पार्थिवने IPL मध्ये चेन्नई सुपर किंग्ज (CSK), डेक्कन चार्जर्स, कोची टस्कर्स, सनरायझर्स हैदराबाद (SRH) आणि मुंबई इंडियन्स (MI) चे प्रतिनिधित्व केले आहे. १३९ आयपीएल सामन्यांमध्ये पार्थिवच्या नावावर २२.६०च्या सरासरीने २८४८ धावा आहेत.

It is with the deepest grief and sadness, we inform the passing away of my father Mr. Ajaybhai Bipinchandra patel. He left for his heavenly abode on 26th September 2021.We request you to keep him in your thoughts and prayers. May his soul rest in peace ॐ नम: शिवाय pic.twitter.com/tAsivVBJIt

— parthiv patel (@parthiv9) September 26, 2021

पार्थिव पटेल भारतासाठी २५ कसोटी आणि ३८ एकदिवसीय सामने खेळला. टेस्टमध्ये पार्थिवचे नाव ९३४ आहे, तर वनडेमध्ये त्याच्या नावावर ७३६ धावा आहेत. पार्थिवने दोन टी -२० आंतरराष्ट्रीय सामन्यांमध्येही भाग घेतला. कसोटीत त्याने ६२ झेल घेतले आणि १० यष्टीही केल्या.

पार्थिव पटेलने सौरव गांगुलीच्या नेतृत्वाखाली १७ वर्षे १५२ दिवसांच्या वयात कसोटी पदार्पण केले. कसोटी पदार्पण करणारा तो सर्वात तरुण यष्टीरक्षक होता.

२०२० मध्ये पार्थिव पटेलने सर्व प्रकारच्या क्रिकेटमधून निवृत्ती जाहीर केली. क्रिकेटमधून निवृत्त झाल्यानंतर पार्थिवने समालोचक म्हणून आपली नवी इनिंग सुरू केली. आयपीएल २०२१ मध्ये तो कॉमेंट्री करतानाही दिसला आहे.