अफगाणिस्तानात हक्कानी नेटवर्क – तालिबान यांच्यात हिंसक संघर्ष; गोळीबारात तालिबानचा म्होरक्या मुल्ला अब्दुल गनी बरादर जखमी

By, Vishal Joshi - September 5, 2021 12:56:13

0

वृत्तसंस्था

काबूल : अफगाणिस्तानात तालिबानची सरकार बनविण्याची मशक्कत चालू असताना हक्कानी नेटवर्क आणि तालिबान यांच्यात हिंसक संघर्ष उडाल्याच्या बातम्या आहे. एवढेच नाही, हा संघर्ष एवढा पेटला की हक्कानी नेटवर्कच्या दहशतवाद्यांच्या गोळीबारात तालिबानचा म्होरक्या मुल्ला अब्दुल गनी बरदार हा जखमी झाला आहे. त्याला पाकिस्तानात हलविण्यात आले असून त्याच्यावर उपचार सुरू असल्याचे सांगण्यात येत आहे. Taliban & Haqqani Network Clashed To Gain Power in Afghanistan, Mullah Baradar Injured In Firing

पंजशीर प्रांतावर ताब्यासाठी तालीबानकडून भीषण हल्ले, नॉर्दन अलायन्सकडूनही कडवा प्रतिकार

मुल्ला अब्दुल गनी बरादर हा तालिबान सरकारचा प्रमुख बनणार होता. अफगाणिस्तानातील तालिबान सरकारमध्ये तिथल्या अल्पसंख्याक समूदायाला सामील करण्यास तो अनुकूल होता. पण हक्कानी नेटवर्कचा त्याच्या या सूचनेला विरोध असल्याचे सांगण्यात येते. यातूनच गोळीबार झाला आणि त्यात मुल्ला अब्दुल गनी बरादर हा जखमी झाल्याचे सांगण्यात येते आहे.

तालिबान्यांना अफगाणिस्तानात सरकार बनविण्यासाठी मदत करण्याच्या नावाखाली पाकिस्तानी गुप्तहेर संघटना आयएसआयचे प्रमुख लेफ्टनंट जनरल हमीद सध्या अफगाणिस्तानात आहेत.