पंजाब काँग्रेसमध्ये मुख्यमंत्री अमरिंदर आणि नवज्योतसिंग सिद्धू यांच्यातील राजकीय युद्ध थांबेना, आता सिद्धू बनले आक्रमक|War of word once again started in Punjab congress

पंजाब काँग्रेसमध्ये मुख्यमंत्री अमरिंदर आणि नवज्योतसिंग सिद्धू यांच्यातील राजकीय युद्ध थांबेना, आता सिद्धू बनले आक्रमक

विशेष प्रतिनिधी

नवी दिल्ली – पंजाब काँग्रेसमध्ये मुख्यमंत्री अमरिंदर सिंग आणि नवज्योतसिंग सिद्धू यांच्यात राजकीय युद्ध थांबण्याची कोणतीच चिन्हे दिसेनाशी झाली आहेत. आता सिद्धू यांनी पुन्हा आक्रमक पवित्रा घेत पक्षनेतृत्वाने मला निर्णय घेण्याचे स्वातंत्र्य द्यावे. अन्यथा सडेतोड उत्तर देऊ असे म्हटले आहे.War of word once again started in Punjab congress

सिद्धू यांनी पूर्वीच मला निर्णय घेण्याचे स्वातंत्र्य द्या, मी पुढील वीस वर्षे काँग्रेसला सत्तेत ठेवतो. त्यासाठी मी आराखडा तयार केल्याचे सांगितले होते. पंजाब विधानसभा निवडणूक तोंडावर असतानाच तेथे काँग्रेस पक्षांतर्गत राजकारण विकोपाला जाण्याची शक्यता निर्माण झाली असतानाच आता सिद्धू यांनी आक्रमक पवित्रा घेतला आहे.

पंजाब काँग्रेस प्रदेश प्रभारी पदाची जबाबदारी सोडणार हरीश रावत , सांगितले हे कारण

सिद्धू यांच्या सल्लागारांनी काश्मीार प्रकरणी वादग्रस्त विधान केल्याने त्यांना पक्षाकडून समज देण्यात आली. हरिश रावत यांनी मात्र त्यांना हटविण्याची सूचना केली होती. त्यांनतर मलविंदर सिंग यांनी सल्लागार पद सोडले आहे. त्या पार्श्वभूमीवर सिद्धू यांनी आज आक्रमक भूमिका घेतली आहे. त्यांनी म्हटले आहे, की पक्षाने मला निर्णय घेण्याचे स्वातंत्र्य दिले पाहिजे. अन्यथा मला स्पष्टपणे बोलावे लागेल.