Terror Network Busted: NIA Conducts Raids in 4 States Over Pakistan-Linked Plot पाकिस्तानशी जोडलेल्या दहशतवादी जाळ्यावर NIAची मोठी कारवाई; राजस्थानसह ४ राज्यांत धाडसत्र

NIA : पाकिस्तानशी जोडलेल्या दहशतवादी जाळ्यावर NIAची मोठी कारवाई; राजस्थानसह ४ राज्यांत धाडसत्र

वृत्तसंस्था

जोधपूर : NIA राष्ट्रीय तपास संस्था (NIA) ने पाकिस्तानशी संबंधित दहशतवादी कट प्रकरणात राजस्थानसह चार राज्यांत मोठी कारवाई केली आहे. शुक्रवारी पहाटे NIAच्या पथकांनी राजस्थान, उत्तर प्रदेश, बिहार आणि महाराष्ट्रातील तब्बल १२ ठिकाणी एकाचवेळी छापे टाकले.NIA

तपास यंत्रणेनुसार, पाकिस्तानस्थित सूत्रधारांच्या मदतीने भारतात शस्त्रे, दारूगोळा आणि आयईडी (स्फोटके) ड्रोनद्वारे पाठवण्याचा कट रचला जात होता. या नेटवर्कमार्फत पंजाब, दिल्लीसह देशातील विविध शहरांत बॉम्बस्फोट घडवण्याची योजना असल्याचा संशय व्यक्त करण्यात आला आहे.NIA

CM Devendra Fadnavis : अर्थखाते सुनेत्रा पवारांकडे जाणार? मुख्यमंत्री देवेंद्र फडणवीसांचे स्पष्ट विधान; चर्चांना दिला पूर्णविराम

NIAने दिलेल्या माहितीनुसार, या कारवाईदरम्यान संशयितांच्या घरांमधून मोबाईल, लॅपटॉप, डिजिटल उपकरणे, आर्थिक व्यवहारांशी संबंधित कागदपत्रे आणि काही संवेदनशील माहिती जप्त करण्यात आली आहे. तपास यंत्रणा आता या डिजिटल पुराव्यांची सखोल तपासणी करत आहे.

या प्रकरणात पाकिस्तानातील एका ऑपरेटिव्हची महत्त्वाची भूमिका असल्याचे समोर आले आहे. तो भारतातील स्थानिक संपर्कांच्या मदतीने ड्रोनमार्फत शस्त्रसाठा पोहोचवत होता, असा तपास यंत्रणांचा दावा आहे. याच जाळ्याचा वापर करून तरुणांना कट्टर बनवणे आणि सोशल मीडियाद्वारे भरती करण्याचे कामही सुरू असल्याची माहिती समोर आली आहे.

राजस्थानमधील सीमावर्ती भाग या कारवायांचे प्रमुख केंद्र असल्याचा संशय तपास यंत्रणांनी व्यक्त केला आहे. पाकिस्तानातून येणाऱ्या ड्रोन हालचालींवर गेल्या काही महिन्यांत सुरक्षा यंत्रणांनी विशेष लक्ष केंद्रित केले होते. त्यानंतरच या जाळ्याचा मागोवा घेण्यात यश आल्याचे सांगितले जात आहे.

दरम्यान, केंद्र सरकारने देशातील संवेदनशील भागांमध्ये सुरक्षा वाढवण्याचे निर्देश दिले आहेत. पंजाब, राजस्थान आणि दिल्ली परिसरात गुप्तचर यंत्रणांना सतर्क राहण्यास सांगण्यात आले आहे. या प्रकरणात आणखी काही अटक होण्याची शक्यता तपास यंत्रणांनी व्यक्त केली आहे.