ATS Reports : धर्म विचारला, कलमा म्हणायला लावला, मुंबईत 2 सुरक्षारक्षकांवर चाकूने हल्ला; ATS ने म्हटले-ISIS ची कागदपत्रे मिळाली

By, Pravin Wankhade - April 29, 2026 04:00:14

0

विशेष प्रतिनिधी

मुंबई :ATS Reports मुंबईजवळील मीरा रोड परिसरात घडलेल्या चाकूहल्ला प्रकरणाने आता अत्यंत गंभीर वळण घेतले आहे. सुरुवातीला साधा गुन्हा वाटणाऱ्या या घटनेचा तपास आता दहशतवादविरोधी पथकाकडे (ATS) सोपवण्यात आला आहे. आरोपीच्या घरातून काही संशयास्पद आणि कट्टर विचारसरणीशी संबंधित साहित्य सापडल्याने तपास यंत्रणा अधिक सतर्क झाल्या आहेत. त्यामुळे या प्रकरणाकडे केवळ गुन्हेगारी नव्हे, तर व्यापक सुरक्षेच्या दृष्टीने पाहिले जात आहे.ATS Reports

या घटनेतील आरोपी 31 वर्षीय जुबेर अन्सारी असल्याचे समोर आले आहे. घटना घडल्यानंतर काही तासांतच नया नगर पोलिसांनी सीसीटीव्ही फुटेजच्या आधारे त्याला अटक केली. त्यानंतर त्याला ठाणे न्यायालयात हजर करण्यात आले असून, न्यायालयाने त्याला 4 मेपर्यंत पोलिस कोठडी सुनावली आहे. पोलिसांच्या माहितीनुसार, हा प्रकार 27 एप्रिल रोजी पहाटे 4 वाजण्याच्या सुमारास मीरा रोड (पूर्व) येथील नया नगर भागात घडला.ATS Reports

महा-चतुर AI चॅटबॉट कौशल्य, रोजगार आणि उद्योजकतेसाठी नवे व्यासपीठ; मुख्यमंत्री देवेंद्र फडणवीसांच्या हस्ते लोकार्पण

घटनेच्या वेळी राजकुमार मिश्रा आणि सुब्रतो रमेश सेन हे दोन सुरक्षा रक्षक ड्युटीवर होते. आरोपीने सुरुवातीला परिसरात येऊन मशिदीचा रस्ता विचारल्याचे सांगितले जाते. काही वेळानंतर तो पुन्हा आला आणि एका रक्षकाचा धर्म विचारल्यानंतर अचानक चाकूने हल्ला केला. त्यानंतर तो केबिनमध्ये शिरला आणि दुसऱ्या रक्षकाला कलमा म्हणण्यास सांगितले. तो रक्षक ते म्हणू शकला नाही, तेव्हा त्याच्यावरही हल्ला करण्यात आला. या दोन्ही जखमींना तातडीने रुग्णालयात दाखल करण्यात आले असून त्यांची प्रकृती सध्या स्थिर असल्याची माहिती आहे.

तपासादरम्यान पोलिसांनी आरोपीच्या घराची झडती घेतली असता काही नोट्स आणि दहशतवादी संघटनांशी संबंधित साहित्य सापडले. एका हस्तलिखित नोटमध्ये त्याने अशा संघटनांशी स्वतःला जोडण्याची इच्छा व्यक्त केल्याचे समोर आले आहे. प्राथमिक तपासात आरोपीने हा हल्ला एका विशिष्ट विचारसरणीच्या प्रभावाखाली केल्याचा संशय व्यक्त केला जात आहे. त्यामुळे या प्रकरणाचा तपास अधिक सखोल करण्यासाठी ATSकडे वर्ग करण्यात आला आहे.

जुबेर अन्सारी विज्ञान शाखेचा पदवीधर

पोलिसांच्या माहितीनुसार, जुबेर अन्सारी हा विज्ञान शाखेचा पदवीधर असून तो काही वर्षे अमेरिकेत वास्तव्यास होता. नोकरी न मिळाल्यामुळे तो भारतात परतला आणि मीरा रोड परिसरात एकटाच राहत होता. तो ऑनलाइन केमिस्ट्रीचे वर्ग घेत होता. मात्र, याच काळात तो इंटरनेट आणि सोशल मीडियाच्या माध्यमातून कट्टर विचारांकडे वळला असावा, असा संशय तपास यंत्रणांना आहे.

नोट्समध्ये काही संवेदनशील शब्द

सध्या तपास यंत्रणा आरोपीचा मोबाईल, इंटरनेट वापर आणि त्याचे संपर्क यांचा बारकाईने अभ्यास करत आहेत. त्याने हा हल्ला एकट्याने केला की त्यामागे इतर कोणाचा सहभाग आहे, हे तपासात स्पष्ट होणार आहे. तसेच, त्याच्या नोट्समध्ये काही संवेदनशील शब्द आढळल्यामुळे त्याचा उद्देश आणि पार्श्वभूमी समजून घेण्याचा प्रयत्न सुरू आहे. या प्रकरणात कोणतीही शक्यता नाकारली जात नसून, सर्व बाजूंनी तपास सुरू असल्याची माहिती अधिकाऱ्यांनी दिली आहे.