US-Israel : इराण युद्ध- सर्वोच्च नेत्याच्या निवडीवेळी हल्ले, लेबनानवर हल्ला; 4 दिवसांत क्रूड 14% महाग

By, Pravin Wankhade - March 4, 2026 11:00:10

0

वृत्तसंस्था

नवी दिल्ली : US-Israel अमेरिका-इराण युद्धाच्या चौथ्या दिवशी दोन्ही बाजूंनी हल्ले झाले. अमेरिका-इस्त्रायलच्या जेट्सने तेहरानमध्ये सुमारे १३० किमी दक्षिणेला पवित्र शहर कोममधील मजलिस ए खोबरेगॉनची इमारत उद््ध्वस्त केली. या ठिकाणी ८८ धर्मगुरू खामेनीई यांचा उत्तराधिकारी असलेल्या सर्वोच्च नेत्याच्या निवडीसाठी जमले होते. मात्र हल्ल्यावेळी इमारतीत एकही धर्मगुरू नव्हता. मात्र यात काही धर्मगुरूंचा मृत्यू झाल्याची अनधिकृत सुत्रांची माहिती आहे.US-Israel

सोमवारी रात्री उशिरा जेट्सने तेहरानमधील मजमा-ए-मसलाहत-ए-निजामची इमारत उद््ध्वस्त केली. इराणमध्ये नवा नेता निवडीच्या हालचालींना अमेरिकेकडून दिलेले हे आव्हान मानले जाते. दरम्यान, मंगळवारी रात्री अमेरिकेचे राष्ट्राध्यक्ष ट्रम्प म्हणाले की, इराणशी चर्चेची वेळ आता निघून गेली आहे. इस्त्रायलने आम्हाला हल्ल्यासाठी मदत मागितली नव्हती. आम्हीच त्यांच्या मदतीला आलो आहोत. कारण, इराण हल्ला करणार असल्याची माहिती आमच्याकडे होती. दरम्यान, यापूर्वी अमेरिकेच्या लष्करी तळांना लक्ष्य करणाऱ्या इराणने पहिल्यांदाच रियाधमधील अमेरिकन दूतावासावर हल्ला केला, पण त्यात मोठी हानी झाली नाही.US-Israel

दुबईत अडकलेल्या नागरिकांच्या मदतीसाठी मुख्यमंत्री देवेंद्र फडणवीसांनी घातले लक्ष, जारी केला व्हॉटसॲप नंबर

1. पेट्रोल-डिझेल-घरगुती गॅस; देशात सध्या ५० दिवसांचा कच्चा तेल आणि ३० दिवसांचा एलपीजी साठा आहे. जर युद्ध चालू राहिले तर कच्च्या तेलाच्या किमती १०० डॉलर प्रति बॅरलपेक्षा जास्त होतील.

2. खत: खत कारखान्यांसाठी एलएनजी हे मुख्य इंधन आहे. त्याच्या टंचाईमुळे अन्न सुरक्षेला धोका निर्माण झाला आहे आणि सरकारी तिजोरीवर १९ अब्ज डॉलर्स (सुमारे १.७५ लाख कोटी रुपये) अतिरिक्त अनुदानाचा भार पडणार आहे.

3. एफएमसीजी; पारले सारख्या दिग्गज एफएमसीजी कंपन्यांच्या मते, जर क्रूड तेलाचे दर १०० डॉलर्सपेक्षा जास्त झाले तर पॅकेजिंग आणि लॉजिस्टिक्सचा खर्च उचलणे अशक्य होईल, त्यामुळे सामान्य माणसांसाठी या वस्तूंचे दर वाढू शकतात.

4. तांदूळ: भारत बासमती तांदळाची ७०% निर्यात आखाती देशांमध्ये करतो. केआरबीएल (इंडिया गेट) आणि एलटी फूड्स (दावत) सारख्या प्रमुख कंपन्या सध्या ‘वेट अँड वॉच’च्या भूमिकेत.

5. चहा निर्यात: २०२५ मध्ये भारताच्या एकूण चहा निर्यातीपैकी ४१% (११४.५ दशलक्ष किलो) यूएई आणि इराणसारख्या देशांचा वाटा होता. शिपिंग लाइन्सनी सध्या कार्गो थांबवले आहे, त्यामुळे देयके आणि शिपमेंट दोन्हीही अनिश्चितेच्या गर्तेत.

चार दिवसांत ६ अमेरिकी सैनिक, १२ इस्त्रायली नागरिकांचा मृत्यू. तीन अमेरिकी विमान पाडले. तेहरानस्थित यूनेस्को हेरिटेज साइट गोलेस्तान पॅलेसचेही नुकसान.

इराणी रेड क्रेसेंटच्या माहितीनुसार, इराणमध्ये ७८७ हून अधिक लोकांचा मृत्यू. इराणच्या ११ युद्धनौका आतापर्यंत बुडवल्याचा अमेरिकेचा दावा. ऑपरेशन एपिक फ्यूरीनुसार, २० हून अधिक शहरांवर २ हजार ठिकाणी बॉम्बहल्ले. यात इराणच्या काही अण्वस्त्र तळांचाही समावेश. यात इराणचे ५ सैनिक मारले गेले आहेत.

अमेरिकेने सौदी, इस्त्रायल, जॉर्डन, बहरिन, इराक, ओमानसह १४ देशात सरकारी कर्मचारी व त्यांच्या कुटुंबीयांना देश सोडण्यास सांगितले. इस्त्रायली लष्करने लेबनानवर ताबा मिळवण्यास सुरुवात केली. ५९ भागात लष्कराने घुसून सर्व घरे रिकामी केली. यूएनएचसीआर नुसार, ३० हजार लोकांना त्यांनी घर सोडण्यास भाग पाडले.

इस्त्रायलच्या हल्ल्यात इराणच्या एका अण्वस्त्र केंद्रातील प्रवेशद्वाराचे मोठे नुकसान झाले.

ऑपरेशन फतेह खैबरद्वारे इराणने रियाधच्या अमेरिकन दूतावासावर ड्रोन हल्ले केले. यात मोठे नुकसान झाले. यानंतर राष्ट्राध्यक्ष ट्रम्प यांच्याकडून कडक शब्दांत इशारा.
मध्य इस्त्रायलमधील शहर पेटाह टिकवा येथेही हल्ले. यूएईच्या फुजैराह ऑइल इंडस्ट्री झोनवर ड्रोन हल्ला, पण फार नुकसान नाही.

बहरिनमध्ये अमेरिकन एअर बेसवर २० ड्रोन व ३ क्षेपणास्त्रे टाकली. मुख्य इमारत ढासळली. इंधनाची टाकीही उदध्वस्त. बहरिनमध्ये ७३ क्षेपणास्त्रे व ९१ ड्रोन, यूएईवर १८६ क्षेपणास्त्रे व ८१२ ड्रोनद्वारे हल्ले.सहकारी हिजबुल्लाहने इस्त्रायलचे रामत डेव्हिल एअरबेसवर ड्रोन हल्ला केला.