Mahua Moitra : तृणमूल काँग्रेस खासदार कल्याण बॅनर्जी अन् महुआ मोइत्रा यांच्यातच जुंपली!

By, Pravin Wankhade - June 29, 2025 07:00:10

0

कल्याण बॅनर्जी म्हणाले, ‘’ती हनिमूनवरून परतली अन् माझ्याशी भांडू लागली’’

विशेष प्रतिनिधी

कोलकाता – Mahua Moitra लॉ कॉलेजच्या युनियन रूममध्ये विद्यार्थिनीवर झालेल्या बलात्काराच्या घटनेने आता राजकीय मुद्दा बनण्यास सुरुवात केली आहे. या घटनेने सत्ताधारी तृणमूल काँग्रेसमधील अंतर्गत कलहही उघडकीस आणला आहे, कारण पक्षाचे नेते आता या सामूहिक बलात्काराच्या घटनेवरून एकमेकांना लक्ष्य करत आहेत.Mahua Moitra

तृणमूल काँग्रेसचे खासदार कल्याण बॅनर्जी आणि आमदार मदन मित्रा यांनी केलेल्या वादग्रस्त वक्तव्यांपासून तृणमूल काँग्रेसने स्वतःला दूर ठेवले आहे. पक्षाच्या खासदार महुआ मोइत्रा यांनी ही विधाने “घृणास्पद” असल्याचे म्हटले आहे.

ठाकरे बंधूंच्या ऐक्यावर पवारांच्या पक्षात आनंदाच्या उकळ्या; पण पवारांचा विचार चालू यातून भाजायच्या कशा राजकीय पोळ्या??

आता कल्याण बॅनर्जी यांनी महुआ मोइत्रा यांच्यावर वैयक्तिक टिप्पणी केली आहे. बॅनर्जी म्हणाल्या की महुआ मोइत्रा यांचे नुकतेच लग्न झाले आणि त्या हनिमूनला गेल्या होत्या आणि लवकरच त्या हनिमूनवरून परतल्या व येताच त्यांने माझ्यावर हल्ला चढवला आहे. तसेच, त्यांच्यावर “कुटुंब तोडण्याचा” आरोपही केला आहे. गेल्या महिन्यात, महुआ मोइत्रा यांनी बर्लिनमध्ये माजी बीजेडी खासदार आणि ज्येष्ठ वकील पिनाकी मिश्रा यांच्याशी लग्न केले आणि बॅनर्जी यांनी त्याच लग्नाबद्दल वादग्रस्त टिप्पणी केली आहे.

महुआ मोइत्रा यांच्या पोस्टला उत्तर देताना कल्याण बॅनर्जी म्हणाले, ‘महुआ मोइत्रा तिच्या हनिमूननंतर भारतात परतली आहे आणि ती येताच तिने माझ्याशी भांडायला सुरुवात केली. ती माझ्यावर महिलाविरोधी असल्याचा आरोप करते, ती काय आहे? मोइत्रा यांनी स्वतः कोणाचे तरी ४० वर्षांचे लग्न तोडले आणि ६५ वर्षांच्या पुरुषाशी लग्न केले, तिने त्या महिलेला दुखावले नाही का?’