मुख्यमंत्री योगींना जीवे मारण्याची धमकी; खलिस्तानी दहशतवादी पन्नूने पाठवला ऑडिओ मॅसेज|Death threat to Chief Minister Yogi; Audio message sent by Khalistani terrorist Pannu

मुख्यमंत्री योगींना जीवे मारण्याची धमकी; खलिस्तानी दहशतवादी पन्नूने पाठवला ऑडिओ मॅसेज

वृत्तसंस्था

लखनऊ : खलिस्तान समर्थक आणि शीख फॉर जस्टिस (SFJ) दहशतवादी गुरपतवंत सिंह पन्नूने मुख्यमंत्री योगी आदित्यनाथ यांना जीवे मारण्याची धमकी दिली आहे. पन्नूने एक ऑडिओ संदेश पाठवला आहे. त्यात म्हटले आहे की, पोलिसांनी अयोध्येत 2 खलिस्तान समर्थक तरुणांना अटक केली आहे. त्यांच्यावर अत्याचार होत आहेत. त्याच्यावर खोटा गुन्हा दाखल केला जात आहे.Death threat to Chief Minister Yogi; Audio message sent by Khalistani terrorist Pannu

22 जानेवारीला अयोध्येत होणाऱ्या राम मंदिर सोहळ्यात तुम्हाला (मुख्यमंत्री योगी) SFJपासून कोणीही वाचवू शकणार नाही, असे म्हटले आहे. गरज पडल्यास राजकीय हत्या करू. SFJ यावर 22 जानेवारीला उत्तर देईल. 24 तासांत अयोध्येतील पोलीस आणि सुरक्षा यंत्रणांनी 3 संशयितांना अटक केली आहे.

WATCH : सुपरस्टार रजनीकांत यांचा CM योगींना चरणस्पर्श; ‘जेलर’च्या प्रमोशनसाठी लखनौला पोहोचले

सुरक्षा एजन्सीच्या सूत्रांनी दिलेल्या माहितीनुसार, सीएम योगी यांना धमक्या देणारा मेसेजमध्ये व्हॉईस रेकॉर्डिंग पाठवण्यात आले आहे. हे रेकॉर्डिंग युनायटेड किंगडम (यूके) मधील एका ठिकाणाहून सापडले. सध्या या संदेशाशी संबंधित सर्व बाबी तपासल्या जात आहेत. अटक करण्यात आलेल्या तीन तरुणांची सुरक्षा एजन्सी लवकरच चौकशी करू शकते.

यूपी एटीएसने गुरुवारी 18 जानेवारी रोजी अयोध्येतून 3 संशयितांना अटक केली होती. सूत्रांनी दिलेल्या माहितीनुसार, अटक करण्यात आलेल्या संशयितांपैकी धरमवीर हा सीकर (राजस्थान) येथील रहिवासी असून तो आपल्या दोन साथीदारांसह अयोध्येला जात होता. तिघेही संशयित सुखा डंके, अर्श डल्ला टोळीचे सदस्य असल्याचे सांगण्यात येत आहे.

अर्श डल्लाला भारत सरकारने दहशतवादी घोषित केले आहे. एटीएस या तिघांची चौकशी करत आहे. तर डीजी कायदा आणि सुव्यवस्था म्हणाले – यूपी एटीएसने अयोध्येत चेकिंग ऑपरेशन दरम्यान 3 संशयितांना पकडले आहे. संशयितांची चौकशी करण्यात येत आहे. हे तिघेही कोणत्या उद्देशाने इथे पोहोचले होते आणि त्यांचा हेतू काय होता? याची खातरजमा केली जात आहे.