आरएसएस मानहानी प्रकरणी राहुल गांधींना मिळणार हजार रुपये

By, Sachin Deshmukh - April 23, 2022 10:15:40

0

विशेष प्रतिनिधी

भिवंडी : काँग्रेस नेते राहुल गांधी यांनी २०१४ मध्ये राष्ट्रीय स्वयंसेवक संघाची (आरएसएस) बदनामी केल्याचा दावा करणारे राजेश कुंटे साक्ष देण्यात विलंब करत असल्याने न्यायालयाने त्यांना हजार रुपयांची दंड ठोठावला आहे. ही रक्कम कॉँग्रेसचे नेते राहूल गांधी यांना मिळणार आहे.Rahul Gandhi will get Rs 1,000 in RSS defamation case

या खटल्यात साक्ष नोंदविण्यास टाळाटाळ केल्याने कुंटे यांना भिवंडी न्यायालयाने एक हजार रुपयांचा दंड ठोठावला आहे. दंडाची ही रक्कम राहुल गांधी यांना देण्याचे आदेश न्यायालयाने दिले आहेत.भिवंडी न्यायालयात याप्रकरणी न्यायाधीश जे. व्ही. पालिवाल यांच्या न्यायालयात सुनावणी सुरू आहे. २१ एप्रिलला भिवंडी न्यायालयात नियमित सुनावणीदरम्यान कुंटे यांनी पुन्हा पुढील तारीख मागितली.

CWC Meeting : राहुल गांधींना आग्रह करत सुरू झालेली बैठक लोकशाही वाचविण्याचा आवाज देऊन संपली!!

मात्र, राजकीय व्यक्ती, लोकप्रतिनिधी यांच्यासंदर्भात दाखल याचिका नियमित सुनावणी घेऊन लवकरात लवकर निकाली काढाव्यात, अशा सूचना सर्वोच्च न्यायालयाने दिल्या आहेत. मात्र, या खटल्यात कुंटे हे विलंब करत असल्याने त्यांना न्यायालयाने एक हजार रुपयांचा दंड ठोठावला आहे.

२३ मार्चला याचिकाकर्ते कुंटे यांनी साक्ष न नोंदविता त्यास विलंब केल्याने ५०० रुपये दंड ठोठावला. ही रक्कम राहुल गांधी यांना देण्याचे आदेश दिले. पण, कुंटे यांनी पैसे भरले नसल्याची माहिती राहुल गांधी यांचे वकील अ‍ॅड. नारायण अय्यर यांनी दिली आहे. , या खटल्याची पुढील सुनावणी १० मे रोजी होणार आहे.