दिल्लीपाठोपाठ दक्षिणेतील दोन राज्यांत हिंसाचार : कर्नाटकात पोलीस ठाण्यावर दगडफेक, 12 पोलीस जखमी; आंध्रमध्ये दोन समुदायांत हाणामारी, 15 जखमी|Violence in two southern states after Delhi: Stone pelting at police station in Karnataka, 12 policemen injured; Clashes between two communities in Andhra, 15 injured

दिल्लीपाठोपाठ दक्षिणेतील दोन राज्यांत हिंसाचार : कर्नाटकात पोलीस ठाण्यावर दगडफेक, 12 पोलीस जखमी; आंध्रमध्ये दोन समुदायांत हाणामारी, 15 जखमी

दिल्लीतील जहांगीरपुरामध्ये हनुमान जयंतीच्या मिरवणुकीवर झालेल्या हल्ल्यानंतर दक्षिणेतील दोन राज्यांमध्ये हिंसाचाराच्या घटना घडल्या आहेत. कर्नाटकात शनिवारी रात्री जमावाने पोलिस ठाण्यावर दगडफेक केली. यामध्ये एका निरीक्षकासह 12 पोलीस जखमी झाले. त्याचवेळी आंध्र प्रदेशात हनुमान जयंती मिरवणुकीत हिंसाचार उसळला होता. यामध्ये 15 जण जखमी झाले.Violence in two southern states after Delhi: Stone pelting at police station in Karnataka, 12 policemen injured; Clashes between two communities in Andhra, 15 injured

वृत्तसंस्था

नवी दिल्ली : दिल्लीतील जहांगीरपुरामध्ये हनुमान जयंतीच्या मिरवणुकीवर झालेल्या हल्ल्यानंतर दक्षिणेतील दोन राज्यांमध्ये हिंसाचाराच्या घटना घडल्या आहेत. कर्नाटकात शनिवारी रात्री जमावाने पोलिस ठाण्यावर दगडफेक केली. यामध्ये एका निरीक्षकासह 12 पोलीस जखमी झाले. त्याचवेळी आंध्र प्रदेशात हनुमान जयंती मिरवणुकीत हिंसाचार उसळला होता. यामध्ये 15 जण जखमी झाले.

सोशल मीडियावरील पोस्टमुळे कर्नाटकात हिंसाचार उसळला

कर्नाटकातील धारवाड जिल्ह्यातील जुने हुबळी पोलिस स्टेशनवर शनिवारी रात्री जमावाने दगडफेक केली. यामध्ये एका निरीक्षकासह 12 पोलीस जखमी झाले. हिंसाचारानंतर शहरात कलम 144 लागू करण्यात आले आहे. याप्रकरणी सुमारे 40 जणांना अटक करण्यात आली आहे.

कर्नाटकात साकारली १६१ फूट उंच हनुमानाची भव्य मूर्ती; मुख्यमंत्री बोम्मई यांच्या हस्ते अनावरण

हुबळी-धारवाडचे पोलीस आयुक्त लाभ राम यांनी सांगितले की, एका व्यक्तीने सोशल मीडियावर मुस्लिम समुदायाला लक्ष्य करत आक्षेपार्ह पोस्ट शेअर केली होती. त्यावर इतरांनी आक्षेप घेत पोलिसांत तक्रार दाखल केली. यानंतर पोलिसांनी तरुणाला अटक करून त्याच्यावर गुन्हा दाखल केला, मात्र या कारवाईने लोकांचे समाधान झाले नाही.

जमावाला पांगवण्यासाठी अश्रुधुराच्या नळकांड्या फोडण्यात आल्या

आरोपीवरील कारवाईवर असंतोष असलेल्या लोकांनी मध्यरात्रीच्या सुमारास पोलीस ठाण्याबाहेर मोठ्या संख्येने गर्दी करून गोंधळ घालण्यास सुरुवात केली. त्यांनी पोलिस ठाण्यावर दगडफेक आणि पोलिसांच्या वाहनांची तोडफोड करण्यास सुरुवात केली. त्यानंतर जमावाला पांगवण्यासाठी पोलिसांनी सौम्य लाठीमार केला आणि अश्रुधुराच्या नळकांड्या फोडल्या.

रुग्णालय आणि हनुमान मंदिरावरही दगडफेक

पोलिस आयुक्तांनी सांगितले की, हिंसाचारात सहभागी असलेल्यांवर सहा गुन्हे दाखल करण्यात आले आहेत. आता परिस्थिती नियंत्रणात असून सर्व ठिकाणी सुरक्षा व्यवस्था वाढवण्यात आली आहे. याशिवाय हॉस्पिटल आणि हनुमान मंदिरावर दगडफेक झाल्याच्या बातम्याही समोर आल्या आहेत.

कर्नाटकचे मुख्यमंत्री म्हणाले- आरोपींना सोडणार नाही

कर्नाटकचे मुख्यमंत्री बसवराज बोम्मई म्हणाले की, ‘मी स्पष्टपणे सांगू इच्छितो की जो कोणी कायदा हातात घेतो, आमचे पोलिस त्यांच्यावर कठोर कारवाई करतील. ते कोणीही असले तरी यामागे जो कोणी असेल आणि ज्याने जमावाला भडकावले असेल त्यांना शिक्षा होईल. अशा घटनांमागील संघटनांना मी कायदा मोडू नका, असे सांगू इच्छितो. कर्नाटक राज्य हे सहन करणार नाही.

आंध्र प्रदेशात दोन समुदायांमध्ये झालेल्या वादातून दगडफेक, 15 जण जखमी

दुसरीकडे, आंध्र प्रदेशातील कुरनूल जिल्ह्यातील अलूर शहरात शनिवारी हनुमान जयंती मिरवणुकीत दोन समुदायांच्या लोकांमध्ये वाद झाला. वाद इतका वाढला की दोन्ही बाजूंनी जोरदार दगडफेक झाली. यामध्ये 15 जण जखमी झाले आहेत. घटनास्थळी पोलीस बंदोबस्त तैनात आहे. पोलिसांनी सांगितले की, परिस्थिती नियंत्रणात असून सीसीटीव्ही फुटेजच्या आधारे 20 जणांना ताब्यात घेण्यात आले आहे.