अमेरिकेत १०० तासांत ६६ हजार भारतीयांनी उभारला ४७ लाख डॉलरचा निधी, भारतासाठी मदत करणार।Indians from USA collects money to help India

अमेरिकेत १०० तासांत ६६ हजार भारतीयांनी उभारला ४७ लाख डॉलरचा निधी, भारतासाठी मदत करणार

वृत्तसंस्था

वॉशिंग्टन : कोरोना संकटाशी झगडत असलेल्या भारताला मदतीसाठी अमेरिकेतील भारतीय वंशाच्या नागरिकांनी ४७ लाख डॉलरचा निधी उभा केला आहे. निधी उभारण्यासाठी सोशल मीडियावर आवाहन केल्यानंतर १०० तासांच्या आत ६६ हजार ७०० हून अधिक भारतीय वंशाच्या नागरिकांनी ४७ लाख डॉलरचा निधी गोळा केला. Indians from USA collects money to help India

‘एकत्रित प्रयत्नांतून हजारो जणांचे जीव वाचविता येतील, अनेकांना मदत मिळेल आणि भारताला कोरोनाविरोधातील लढाईत बळ येईल,’ असे निधी उभारणाऱ्या ‘सेवा फौंडेशन’ने म्हटले आहे.

अमेरिका जगातील इतर देशांना पुरविणार सहा कोटी कोरोना प्रतिबंधक लसी

या संस्थेने भारतात पाठविण्यासाठी २,१८४ ऑक्सिजन कॉन्सन्ट्रेटर सज्ज ठेवले आहेत. सेवा फौंडेशनही अमेरिकेतील भारतीयांची सर्वांत मोठी सेवाभावी संस्था आहे. हा निधी सोशल मीडियाच्या माध्यमातून जमा करण्यात आला आहे.

याशिवाय अनेक ऑक्सिजन कॉन्सन्ट्रेटरही गोळा करण्यात आले आहेत. भारतात ऑक्सिजनचा वेगाने पुरवठा करणे, हे आमचे प्राथमिक उद्दीष्ट असल्याचे या संस्थेने सांगितले. या संस्थेचे स्वयंसेवक रुग्णवाहिक, रुग्णालयांतील खाटांची परिस्थिती याबाबत माहिती देणारा डिजीटल हेल्प डेस्कही तयार केला जात आहे.