अमेरिका जगातील इतर देशांना पुरविणार सहा कोटी कोरोना प्रतिबंधक लसी|The United States will supply six million corona vaccines to the rest of the world

अमेरिका जगातील इतर देशांना पुरविणार सहा कोटी कोरोना प्रतिबंधक लसी

पुढील काही आठवड्यात अमेरिका जगातील इतर देशांना कोरोना प्रतिबंधक लसीचे सहा कोटी डोस पुरविणार आहे. अ‍ॅस्ट्राजेनिका ही लस काही दिवसांतच जगात पाठविली जाईल, असे व्हाईट हाऊसतर्फे सांगण्यात आले आहे.The United States will supply six million corona vaccines to the rest of the world

विशेष प्रतिनिधी

वॉशिंग्टन : पुढील काही आठवड्यात अमेरिका जगातील इतर देशांना कोरोना प्रतिबंधक लसीचे सहा कोटी डोस पुरविणार आहे. अ‍ॅस्ट्राजेनिका ही लस काही दिवसांतच जगात पाठविली जाईल, असे व्हाईट हाऊसतर्फे सांगण्यात आले आहे.

व्हाईट हाऊसचे प्रवक्ते जेन पास्की म्हणाले, अ‍ॅस्ट्राजेनिका लसीचे डोस उपलब्ध झाल्यावर तातडीने इतर देशांना पाठविले जातील. पुढील काही दिवसांतच एक कोटी डोस निर्यात केले जातील. सध्या अमेरिकेत पाच कोटी कोरोना प्रतिबंधक लसीचे डोस बनविले जात आहे. लवकरच ते निर्यात केले जातील.

टीकेनंतर अमेरिकेला अखेर उपरती, अध्यक्ष ज्यो बायडेन, कमला हॅरिस यांचे मदतीचे आश्वासन

पास्की म्हणाल्या सध्या अ‍ॅस्ट्राजेनिका लसीचा एकही डोस अमेरिकेकडे उपलब्ध नाही. अमेरिकेच्या नियंत्रक संस्था तयार असलेल्या डोसची गुणवत्ता तपासणार आहेत.

त्यानंतरच त्यांची निर्यात केली जाईल. कोणत्या देशांना कोरोना लसी पुरवायच्या यावर बायडेन सरकार विचार करत आहे. आम्ही आमच्या मित्र देशांना तातडीने लसीची मदत करू इच्छितो.

अ‍ॅस्ट्रोजेनिका लसीला अद्याप अमेरिकेत मान्यता दिलेली नाही. बायडेन सरकारने मार्चमध्ये सांगितले होते की लवकरच कॅनडा आणि मेक्सिको या देशांना चाळीस लाख लसी पुरविल्या जाणार आहेत.