तालिबान सरकारमध्ये फूट : उपपंतप्रधान मुल्ला बरादर यांना राष्ट्रपती भवनात लाथाबुक्क्यांनी मारहाण, हक्कानी गटाचे वर्चस्व वाढले

By, Vishal Joshi - September 19, 2021 11:00:14

0

मुल्ला अब्दुल गनी बरदार हे तालिबानची स्थापना करणाऱ्या लोकांपैकी एक आहेत. प्रत्येक महत्त्वाच्या तालिबान लढाईचा भाग असलेल्या बरादर यांना काबूलच्या राष्ट्रपती भवनात लाथा-बुक्क्यांनी मारहाण करण्यात आली. तालिबान सरकारमध्ये हक्कानी गटाचे वर्चस्व इतके वाढले आहे की, त्यांच्या एका कमांडरने बरादरला लाथाबुक्क्या मारल्या. afgan taliban government deputy pm mullah baradar was beaten pakistan backed haqqani faction dominance increased

वृत्तसंस्था

काबुल : मुल्ला अब्दुल गनी बरदार हे तालिबानची स्थापना करणाऱ्या लोकांपैकी एक आहेत. प्रत्येक महत्त्वाच्या तालिबान लढाईचा भाग असलेल्या बरादर यांना काबूलच्या राष्ट्रपती भवनात लाथा-बुक्क्यांनी मारहाण करण्यात आली. तालिबान सरकारमध्ये हक्कानी गटाचे वर्चस्व इतके वाढले आहे की, त्यांच्या एका कमांडरने बरादरला लाथाबुक्क्या मारल्या.

बरादर यांच्या मृत्यूची बातमी गेल्या आठवड्यात आली होती, परंतु नंतर बरादार यांनी व्हिडिओ जारी करून त्या वृत्तांना फेटाळून लावले होते. पण आता ही बातमी अमेरिकन माध्यमांच्या मथळ्यांमध्ये आहे की, बरादरवर हल्ला झाला आणि काबूलमधील राष्ट्रपती भवनात गोळ्या झाडण्यात आल्या.

काय आहे प्रकरण…

जगाला माहिती आहे की, मुल्ला अब्दुल गनी बरादर हा तालिबानचा मुख्य चेहरा होता. अमेरिकेबरोबरच्या चर्चेतही ते सतत गुंतलेले होते. अफगाणिस्तान सोडून गेलेल्या अमेरिका आणि त्याच्या मित्रांना आशा होती की, मुल्ला अब्दुल गनी बरादर हा अफगाणिस्तानातील तालिबान सरकारचा आवाज असेल. तो तालिबान नसलेल्या नेत्यांना आणि वांशिक अल्पसंख्याकांना तालिबानच्या मंत्रिमंडळात समाविष्ट करेल अशी अपेक्षा होती. ब्लूमबर्ग या इंग्रजी वृत्तपत्रात म्हटले आहे की, बरादर हे तालिबान आणि अमेरिकेत ‘सॉफ्ट स्टँड’ नेते मानले जातात आणि अनेक देशांना अशी अपेक्षा होती की देशाची कमान बरादर यांच्याकडे सोपवली जाईल, पण तसे झाले नाही.

मध्यंतरी सरकारची यादी आली तेव्हा बरादर यांना उपपंतप्रधानपद मिळाले. मुल्ला बरादर अमेरिकेच्या दबावाखाली येऊ शकतात आणि येत्या काळात ते तालिबान सरकारसाठी हानिकारक ठरू शकतात, असा युक्तिवाद करण्यात आला. ज्यांनी हे सांगितले ते प्रामुख्याने पाकिस्तान समर्थित हक्कानी गटाचे नेते होते, ज्यांना अंतरिम सरकारमध्ये गृह मंत्रालयासह चार महत्त्वाची मंत्रालये मिळाली आहेत. एफबीआयच्या दहशतवादासाठी मोस्ट वॉन्टेड यादीत असलेले सिराजुद्दीन हक्कानीला कार्यवाहक गृहमंत्री करण्यात आले.

हा वाद कसा सुरू झाला?

तालिबानमध्ये अंतर्गत फूट पडल्याच्या वृत्तांमध्ये, सप्टेंबरच्या सुरुवातीला काबूलच्या राष्ट्रपती भवनात मंत्रिमंडळाची महत्त्वपूर्ण बैठक होत होती. अहवालांनुसार, या बैठकीत, बरादर वारंवार अशा मंत्रिमंडळासाठी दबाव टाकत होते ज्यात तालिबान नसलेले नेते आणि वांशिक अल्पसंख्याक असतील. बरादर यांनी असा युक्तिवाद केला की तालिबान सरकारला मान्यता देण्यासाठी जगासाठी सर्वसमावेशक सरकार आवश्यक आहे. पण हक्कानी गटाला बरादरचे हे विचार सहन होऊ शकले नाहीत.

सत्तेसाठी युद्ध : तालिबान आणि हक्कानी नेटवर्क यांच्यात सुरू झाला संघर्ष , बरदारने सोडले काबूल

वादाच्या दरम्यान अचानक हक्कानी नेता खलील-उल-रहमान हक्कानी त्याच्या खुर्चीवरून उठला आणि बरादरला मारण्यास सुरुवात केली. मीडिया रिपोर्ट्समध्ये दावा करण्यात आला आहे की, दोघांच्या अंगरक्षकांनी एकमेकांवर गोळीबारही केला होता, ज्यात अनेक लोक गंभीर जखमी झाले होते. यानंतर बैठक अर्ध्यावर सोडून मुल्ला बरदार काबूल सोडून तालिबानचा सर्वोच्च नेता हैबतुल्लाह अखुंदजादाशी बोलण्यासाठी कंधारला गेला. यानंतरच गेल्या आठवड्यात असे वृत्त आले होते की, बरादर गंभीर जखमी झाले आहेत. हे वृत्त बरादरने नंतर व्हिडिओ जारी करून फेटाळले.

मुल्ला बरादर साइडलाइन

हे स्पष्ट आहे की मुल्ला बरादर जो अलीकडे तालिबानचा सार्वजनिक चेहरा होता. सूत्रांनी दिलेल्या माहितीनुसार, राष्ट्रपती भवनाच्या या घटनेनंतर मुल्ला बरादर यांना बाजूला करण्यात आले आहे. त्यामुळे हा वाद संपेल असे वाटत नाही. पाश्चात्य देशांनाही बरादर बाजूला राहण्यात समस्या आहे, कारण बरादर हा शांततेसाठी चर्चेचा मुख्य चेहरा होता.

याचा अर्थ पाकिस्तान समर्थित हक्कानी गट अफगाण सरकारमध्ये खूप मजबूत झाला आहे. सर्वसमावेशक सरकारची चर्चा पूर्णपणे मागे राहिली. दहशतवादी हक्कानी गटाची वाढती उपस्थिती तालिबानसाठी तसेच भारतासारख्या शेजारील देशाच्या समस्या वाढवू शकते.