मोदी म्हणाले कदाचित मी मागील जन्मी इथेच जन्मलो असेल, नाहीतर…

By, Pravin Wankhade - April 27, 2024 08:30:22

0

जाणून घ्या, मोदींनी नेमकं कुठे केलं विधान आणि काय म्हणाले आहेत? Modi expressed his desire to take his next birth in Bangal state

विशेष प्रतिनिधी

कोलकाता : लोकसभा निवडणूक 2024 साठी दुसऱ्या टप्प्यातील मतदान शुक्रवारी संपले. दुसरीकडे, शुक्रवारी मोदींनी पश्चिम बंगालमधील मालदा येथे एका सभेला संबोधित केले. येथे पंतप्रधान मोदींनी डावे आणि तृणमूल काँग्रेसवर जोरदार हल्लाबोल केला. पंतप्रधान म्हणाले की या पक्षांनी त्यांच्या राजवटीत बंगालची महानता, जागतिक प्रतिमा आणि प्रतिष्ठा नष्ट केली. रॅलीत प्रचंड गर्दीत मोदी असे काही बोलले की सगळेच पंतप्रधानांचे चाहते झाले.

मालदा येथील रॅलीला संबोधित करताना मोदी म्हणाले की, तुमचा उत्साह, तुमच्या प्रेमाबद्दल मी मनापासून आभारी आहे. पंतप्रधानांनी लोकांना सांगितले की, तुम्ही इतके प्रेम देत आहात, एकतर मी माझ्या मागील जन्मी बंगालमध्ये जन्मलो किंवा पुढच्या जन्मी मी बंगालमध्ये आईच्या पोटी जन्म घेईन. मोदी म्हणाले की, इतकं प्रेम कदाचित कोणालाच मिळणार नाही.

मालदा येथे पंतप्रधान मोदी म्हणाले की, एक काळ असा होता जेव्हा बंगाल देशाच्या विकासाचे आणि प्रगतीचे इंजिन होते. सामाजिक सुधारणा असो, वैज्ञानिक प्रगती असो, तसेच तात्विक आणि आध्यात्मिक विचार आणि प्रबोधन असो, या सर्वांचे नेतृत्व बंगालने केले. पंतप्रधान म्हणाले की, डाव्या आघाडीने आणि सध्याच्या टीएमसीच्या राजवटीने बंगालची महानता हिरावून घेतली आहे आणि जगाच्या नजरेत त्याची प्रतिष्ठा कमी केली आहे.