Delhi elections : दिल्ली निवडणुकीपूर्वी बांगलादेशी घुसखोरांचे दणादण बनवले जात होते मतदार कार्ड

By, Pravin Wankhade - December 24, 2024 08:00:56

0

पोलिसांनी 11 जणांना पकडले ; सहा बांगलादेशींचा समावेश

विशेष प्रतिनिधी

नवी दिल्ली : Delhi elections दिल्लीत अवैध बांगलादेशी घुसखोरांवर पोलिसांची कारवाई सुरूच आहे. ताज्या प्रकरणात दिल्ली पोलिसांनी बनावट मतदार आणि आधार कार्ड बनवणाऱ्या टोळीचा पर्दाफाश केला आहे.Delhi elections

घुसखोरांना बेकायदेशीर कागदपत्रे पुरवणाऱ्या टोळीतील 11 जणांना अटक करण्यात आली आहे. यामध्ये बनावट वेबसाइट, आधार कार्ड ऑपरेटर आणि तांत्रिक तज्ज्ञांचा समावेश आहे. अटक करण्यात आलेल्या आरोपींमध्ये 6 बांगलादेशींचा समावेश आहे. आरोपी बनावट वेबसाईटच्या माध्यमातून बनावट ओळखपत्र तयार करून स्वत:ला भारताचे नागरिक असल्याचे सिद्ध करण्यासाठी घुसखोरांना मदत करत होते.

राष्ट्रवादीतल्या सत्ता लालसेची सरकारला डोकेदुखी; तिथे लागू कशी करणार “मात्रा फडणविशी”??

पोलिस उपायुक्त (डीसीपी) अंकित चौहान यांच्या म्हणण्यानुसार, आरोपींनी बनावट वेबसाइटद्वारे बनावट आधार कार्ड, मतदार ओळखपत्र आणि इतर बनावट कागदपत्रे तयार करून बांगलादेशी घुसखोरांना मदत केली.

एएनआय वृत्तसंस्थेनुसार, डीसीपी चौहान यांनी सांगितले की, बांगलादेशी घुसखोर जंगलातून आणि एक्स्प्रेस ट्रेनमधून भारतात प्रवेश करतात. ते म्हणाले की, आतापर्यंत 11 आरोपींना अटक करण्यात आली आहे जे बनावट वेबसाइटद्वारे बनावट ओळखपत्र वापरून बांगलादेशी नागरिकांना मदत करतात.