महुआ मोईत्राच्या अडचणी वाढण्याची चिन्हं! लोकसभा अध्यक्षांनंतर आता निशिकांत दुबे यांनी केली लोकपालकडे तक्रार Signs of increase in mahua moitra problems After the Lok Sabha Speaker now Nishikant Dubey has filed a complaint with the Lokpal

महुआ मोईत्राच्या अडचणी वाढण्याची चिन्हं! लोकसभा अध्यक्षांनंतर आता निशिकांत दुबे यांनी केली लोकपालकडे तक्रार

लोकपाल खासदार आणि मंत्र्यांच्या भ्रष्टाचारावर लक्ष ठेवतो

विशेष प्रतिनिधी

नवी दिल्ली : आता भाजप खासदार निशिकांत दुबे यांनी पैसे घेऊन संसदेत प्रश्न विचारल्याप्रकरणी टीएमसी खासदार महुआ मोईत्रा यांच्याविरोधात लोकपालसमोर तक्रार दाखल केली आहे. त्यांनी स्वतः सोशल मीडिया प्लॅटफॉर्म X वर ही माहिती दिली. यामुळे आता महुआ मोईत्राच्या अडचणी वाढण्याची चिन्हं दिसत आहे. Signs of increase in mahua moitra problems After the Lok Sabha Speaker now Nishikant Dubey has filed a complaint with the Lokpal

निशिकांत दुबे यांनी लोकपालकडे तक्रार दाखल करण्याबाबत माहिती देताना X वर पोस्ट केले, “मी सीबीआय-सीबीआय ऐकून थकलो आहे. आज मी लोकपालकडे तक्रार दाखल केली. लोकपाल खासदार आणि मंत्र्यांच्या भ्रष्टाचारावर लक्ष ठेवतो, सीबीआयच त्याचं माध्यम आहे.”

तत्पूर्वी शनिवारी महुआ मोईत्रा यांच्यावर मोठा आरोप करत निशिकांत दुबे यांनी पोस्ट केली होती, काही पैशांसाठी एका खासदाराने देशाची सुरक्षा गहान ठेवली. दुबईतून संसदेचे आयडी उघडले गेले. त्यावेळी कथित खासदार भारतातच होत्या. या एनआयसीवर संपूर्ण भारत सरकार आहे. पंतप्रधान, अर्थ विभाग, केंद्रीय यंत्रणा. आताही तृणमूल काँग्रेस आणि विरोधीकांना राजकारण करायचे आहे, निर्णय जनतेचा, एआयसीने ही माहिती तपास यंत्रणेला दिली.