मध्य प्रदेश : दतियामध्ये मिनी ट्रक नदीत पडला, १२ जणांचा मृत्यू, अनेकजण गंभीर जखमी Madhya Pradesh Mini truck falls into river in Datia 12 dead many seriously injured

मध्य प्रदेश : दतियामध्ये मिनी ट्रक नदीत पडला, १२ जणांचा मृत्यू, अनेकजण गंभीर जखमी

लग्न समारंभात सहभागी होण्यासाठी मोठ्या संख्येने लोक मिनी ट्रकने जात होते.

विशेष प्रतिनिधी

भोपाळ : मध्य प्रदेशातील दतिया येथे बुधवारी एक मोठी दुर्घटना घडली असून एक मिनी ट्रक बुहारा नदीत पडला. या घटनेत 12 जणांचा मृत्यू झाला, तर मोठ्या संख्येने लोक जखमी झाल्याचे सांगण्यात येत आहे. जखमींना तातडीने जवळच्या रुग्णालयात दाखल करण्यात आले आहे. Madhya Pradesh Mini truck falls into river in Datia 12 dead many seriously injured

मिळालेल्या माहितीनुसार, लग्न समारंभात सहभागी होण्यासाठी मोठ्या संख्येने लोक ग्वाल्हेरच्या बिल्हेटी गावातून टीकमगडला मिनी ट्रकने जात होते. त्यानंतर बुहारा गावाजवळील बांधकाम सुरू असलेल्या पुलाजवळ ट्रक अनियंत्रित होऊन नदीत पडला.

घटनेची माहिती मिळताच पोलिस-प्रशासनाचे पथक घटनास्थळी पोहोचले आणि बचावकार्य सुरू केले. या घटनेत आतापर्यंत १२ जणांचा मृत्यू झाला आहे, तर अनेकजण जखमी झाल्याचं सांगण्यात येत आहे, त्या सर्वांना जवळच्या रुग्णालयात दाखल करण्यात आले.