भारतीय चलन जागतिक होण्याच्या मार्गावर, भारत आणि मलेशिया आता रुपयात करणार व्यापार|India and Malaysia will now trade in rupees as Indian currency goes global

भारतीय चलन जागतिक होण्याच्या मार्गावर, भारत आणि मलेशिया आता रुपयात करणार व्यापार

वृत्तसंस्था

नवी दिल्ली : परराष्ट्र मंत्रालयाने (MEA) शनिवारी (1 एप्रिल) सांगितले की, भारत आणि मलेशिया आता भारतीय रुपयाचा वापर इतर चलनांव्यतिरिक्त व्यापार करण्यासाठी करू शकतात. गतवर्षी जुलै 2022 मध्ये, भारतीय रिझर्व्ह बँक (RBI) ने भारतीय चलनात आंतरराष्ट्रीय व्यापार सेटल करण्यास परवानगी दिली. आरबीआयच्या या निर्णयानंतरच हे पाऊल उचलण्यात आले आहे.India and Malaysia will now trade in rupees as Indian currency goes global

“इतर चलनांमध्ये सेटलमेंटच्या विद्यमान पद्धतींव्यतिरिक्त, भारत आणि मलेशियामधील व्यापार आता भारतीय रुपया (INR) मध्येदेखील सेटल केला जाऊ शकतो,” मंत्रालयाने म्हटले आहे. MEA ने सांगितले की RBIच्या पुढाकाराचा उद्देश व्यापार वाढी सुलभ करणे आणि भारतीय रुपयामध्ये जागतिक व्यापारी समुदायाच्या हिताचे समर्थन करणे आहे.

लवकरच डॉलरची जागा घेऊ शकतो भारतीय रुपया, 18 देशांची INR मध्ये व्यापार करण्यास सहमती

विशेष रुपे व्होस्ट्रो खाते उघडून प्रणाली सुरू केली

मंत्रालयाने पुढे सांगितले की, क्वालालंपूर स्थित इंडिया इंटरनॅशनल बँक ऑफ मलेशिया (IIBM) ने त्यांच्या संबंधित बँक म्हणजेच युनियन बँक ऑफ इंडिया मार्फत भारतात विशेष रुपी व्होस्ट्रो खाते उघडून ही प्रणाली सुरू केली आहे. व्होस्ट्रो खाती देशांतर्गत चलनात पेमेंट करण्यासाठी वापरली जातात.

रुपयात व्यापार करण्यास 35 देशांची मान्यता

आतापर्यंत 35 देशांनी भारतासोबत रुपयात व्यापार करण्यात रस दाखवला आहे. रशियाशिवाय भारताचे शेजारी देश म्यानमार, बांगलादेश आणि नेपाळ यांचाही यात समावेश आहे. आंतरराष्ट्रीय बाजारावर नजर टाकली तर डॉलरची मागणी सर्वाधिक आहे.

भारत बहुतेक वस्तूंच्या निर्यात आणि आयातीसाठी डॉलरमध्ये पैसे देतो. यासाठी भारताला अब्जावधी डॉलर्स खर्च करावे लागतील. पण, ज्या वेगाने अनेक देशांनी भारतीय चलनात व्यापार करण्यास सहमती दर्शवली आहे. त्यामुळे भारताचे डॉलरवरील अवलंबित्व कमी होणार आहे.