नीरज चोप्राची पुन्हा गोल्डन कामगिरी, वर्ल्ड चॅम्पियनशिपमध्ये जिंकले सुवर्णपदक


वृत्तसंस्था

नवी दिल्ली : 120 वर्षांत ऑलिम्पिकमध्ये सुवर्णपदक जिंकणारा पहिला भारतीय खेळाडू नीरज चोप्रा याने आता जागतिक चॅम्पियनशिपमध्येही इतिहास रचला आहे. नीरजने बुडापेस्ट येथे झालेल्या जागतिक अ‍ॅथलेटिक्स चॅम्पियनशिपमध्ये भालाफेकमध्ये सुवर्णपदक पटकावले आहे. अंतिम फेरीत त्याने 88.17 मी.च्या सर्वोत्तम प्रयत्नाने सुवर्ण यश संपादन केले.Golden performance again by Neeraj Chopra, wins gold medal in world championships

ही चॅम्पियनशिप 1983 पासून आयोजित केली जात असून प्रथमच भारतीय खेळाडूने सुवर्णपदक जिंकले आहे. पाकिस्तानच्या अर्शद नदीमने रौप्यपदक जिंकले. त्याने 87.82 मीटर सर्वोत्तम भाला फेकला.



जागतिक अ‍ॅथलेटिक्स चॅम्पियनशिपमधील भारताचे हे एकूण तिसरे पदक आहे. गेल्या मोसमात नीरजने रौप्यपदक जिंकले होते. महिलांची लांब उडीपटू अंजू बॉबी जॉर्जने 20 वर्षांपूर्वी 2003 मध्ये पॅरिसमध्ये कांस्यपदक जिंकले होते.

ऑलिम्पिकमध्ये पदक जिंकणारा नीरज पहिला भारतीय

एकाच वेळी ऑलिम्पिक आणि जागतिक स्पर्धेत सुवर्णपदक जिंकणारा नीरज हा पहिला भारतीय खेळाडू ठरला आहे. 2021च्या टोकियो ऑलिम्पिकमध्ये त्याने सुवर्णपदक जिंकले होते. भारत सन 1900 पासून ऑलिम्पिकमध्ये सहभागी होत आहे, परंतु नीरजपूर्वी कोणत्याही भारतीयाने ट्रॅक आणि फील्ड इव्हेंटमध्ये सुवर्णपदक सोडा, कोणत्याही रंगाचे पदक जिंकले नव्हते. नीरजच्या आधी मिल्खा सिंग आणि पीटी उषा यांची स्वतंत्र ऑलिम्पिकमध्ये चौथे स्थान मिळवणे ही भारताची सर्वोत्तम कामगिरी होती.

पाकिस्तानच्या नदीमचे नीरजसाठी कडवे आव्हान

अंतिम स्पर्धेत, भारतीय स्टार नीरज चोप्राला त्याचा पाकिस्तानी प्रतिस्पर्धी अर्शद नदीमकडून कठीण आव्हानाचा सामना करावा लागला, मात्र नदीम नीरजला कधीही मागे टाकू शकला नाही.

Golden performance again by Neeraj Chopra, wins gold medal in world championships

महत्वाच्या बातम्या 

Array

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात