चीन आपल्या नौटंकीपासून परावृत्त होताना दिसत नाही. भारतासोबतच्या सीमावादाच्या दरम्यान ड्रॅगनने शेजारील देश भूतानच्या सीमेतही घुसखोरी केली आहे. एनडीटीव्हीच्या रिपोर्टनुसार, चीनने भूतानच्या सीमेजवळील सुमारे २५ हजार एकर जमिनीवर बेकायदेशीरपणे कब्जा केला आहे. इतकंच नाही तर चीननं इथं ४ गावंही वसवली आहेत. China Illegally Settled 4 Villages In Bhutan In An Area Of About 25 Thousand Acres, It Is Very Close To Doklam
वृत्तसंस्था
नवी दिल्ली : चीन आपल्या नौटंकीपासून परावृत्त होताना दिसत नाही. भारतासोबतच्या सीमावादाच्या दरम्यान ड्रॅगनने शेजारील देश भूतानच्या सीमेतही घुसखोरी केली आहे. एनडीटीव्हीच्या रिपोर्टनुसार, चीनने भूतानच्या सीमेजवळील सुमारे २५ हजार एकर जमिनीवर बेकायदेशीरपणे कब्जा केला आहे. इतकंच नाही तर चीननं इथं ४ गावंही वसवली आहेत.
चिनी लष्करी विकासावरील जागतिक संशोधक @detresfa ने सॅटेलाइट फोटोंद्वारे हा नवा खुलासा केला आहे. या फोटोंमध्ये चिनी गावे स्पष्टपणे दिसू शकतात. या जमिनीवरून भूतान आणि चीनमध्ये जुना वाद आहे. ही जमीन आपलीच असल्याचा दावा दोन्ही देशांनी केला आहे.
चीनने गेल्या एका वर्षात (२०२०-२१) या वादग्रस्त जमिनीच्या मोठ्या भागावर मनमानीपणे बांधकाम सुरू केले असले आणि आजपर्यंत ४ गावे वसवली आहेत. चीन आणि भूतानमध्ये अलीकडेच सीमा करारावर स्वाक्षरी होत असतानाच ही बाब समोर आल्याने आश्चर्य व्यक्त होत आहे.
@detresfa ने आपल्या ट्विटमध्ये लिहिले की, ‘डोकलामजवळील भूतान आणि चीन यांच्यातील वादग्रस्त जमिनीवर २०२०-२१ दरम्यान बांधकामे सुरू होती. चीनने सुमारे 100 किमी चौरस क्षेत्रात अनेक नवीन गावे पसरवली आहेत. हा नवीन कायद्याचा भाग आहे की चीनच्या प्रादेशिक दाव्यांची अंमलबजावणी करण्यासाठी असे केले आहे, असा सवालही केला आहे.
ही चिंतेची बाब आहे की, हा भाग भारतीय भूभाग डोकलामच्या अगदी जवळ आहे, जिथे चार वर्षांपूर्वी म्हणजेच 2017 मध्ये दोन्ही देशांचे सैन्य आमनेसामने आले होते. हा भाग भारतासाठी सामरिकदृष्ट्या महत्त्वाचा आहे. भारत आणि भूतानचे सैन्य परस्पर संमतीने या भागात लष्करी पायाभूत सुविधा मजबूत करण्यासाठी काम करत आहेत. अशा परिस्थितीत चीनचा हा डाव दोन्ही देशांसाठी चिंतेचा विषय ठरू शकतो.
To be published, comments must be reviewed by the administrator.*
Our website uses cookies to improve your experience. Learn more
Download App