चाळीसगाव-धुळे रेल्वे अखेर दोन वर्षांनंतर धावली ; मेमो रेल्वेचे दानवे यांच्या हस्ते ऑनलाइन उदघाटन। The Chalisgaon-Dhule railway finally ran after two years; Online inauguration of Memo Railway by Danve

चाळीसगाव-धुळे रेल्वे अखेर दोन वर्षांनंतर धावली ; मेमो रेल्वेचे दानवे यांच्या हस्ते ऑनलाइन उदघाटन

विशेष प्रतिनिधी

धुळे : चाळीसगाव धुळे या मेमो रेल्वेचा उद्घाटन केंद्रीय रेल्वे राज्यमंत्री रावसाहेब दानवे यांच्या उपस्थितीत ऑनलाईन झाले. यावेळी चाळीसगाव येथे धुळे जिल्ह्याचे पालकमंत्री नामदार अब्दुल सत्तार उपस्थित होते. The Chalisgaon-Dhule railway finally ran after two years; Online inauguration of Memo Railway by Danve

गेल्या अनेक वर्षांपासून चाळीसगाव-धुळे रेल्वे सर्वप्रथम कोळशावर नंतर डिझेलवर सुरू होती, मात्र धुळ्याचे खासदार डॉ. सुभाष भामरे तसेच जळगावचे खासदार उमेश पाटील यांनी पाठपुरावा करून चाळीसगाव धुळे विद्युत रेल्वे सुरू करण्यासाठी केंद्रीय रेल्वे राज्यमंत्री रावसाहेब दानवे यांच्याकडे मागणी केली होती. या विद्युत रेल्वेचा उद्घाटन सोहळा केंद्रीय रेल्वे राज्यमंत्री रावसाहेब दानवे यांच्या हस्ते ऑनलाईन पद्धतीने पार पडला यावेळी चाळीसगाव येथे धुळे जिल्ह्याचे पालकमंत्री आमदार अब्दुल सत्तार, जळगाव विधानसभा मतदार संघाचे आमदार मंगेश चव्हाण धुळ्याचे महापौर प्रदीप करपे यांच्यासह विविध मान्यवर उपस्थितीत हिरवा कंदील दाखविला.

रावसाहेब दानवे म्हणाले, उद्धवजींनी पत्र द्यावं, आम्ही लगेच मुंबई लोकल सर्वांसाठी सुरू करतो

या विद्युत रेल्वे मुळे शेतकरी शेतमजूर तसेच व्यापारी आणि विद्यार्थी यांची मोठी सोय झाली. अत्याधुनिक पद्धतीची ही रेल्वे धुळे जिल्ह्यात प्रथम आल्याने सर्वांसाठी आकर्षणाची विषय ठरली होती. यामुळे सर्वसामान्य नागरिकांची वेळेची बचत होणार आहे. मुंबई लोकल च्या धर्तीवर ही रेल्वे सुरू करण्यात आल्याने नागरिकांना अत्याधुनिक सोयी सुविधा मिळणार आहे. चाळीसगाव-धुळे सह धुळे जिल्ह्यातून इतर रेल्वेमार्गासाठी देखील आपण प्रयत्नशील राहणार असल्याची प्रतिक्रिया अब्दुल सत्तार यांनी यावेळी व्यक्त केली.