RBI Monetary Policy : रिझर्व्ह बँकेने वाढलेल्या महागाईमुळे रेपो रेट 4% वर कायम ठेवला, ग्रोथ रेटचा अंदाज घटवला

By, shreekant patil - June 4, 2021 07:20:39

0

RBI Monetary Policy Repo rate remains Same as 4 percent

RBI Monetary Policy : रिझर्व्ह बँकेने सन 2021 साठी आज तिसरे आर्थिक धोरण जाहीर केले. रिझर्व्ह बँक ऑफ इंडियाचे गव्हर्नर शक्तिकांत दास यांनी व्याजदरामध्ये कोणताही बदल न करण्याचा निर्णय घेतला आहे. रेपो दर 4 टक्के ठेवण्यात आला आहे. त्याच वेळी, रिव्हर्स रेपो दर 3.35 टक्के कायम ठेवण्यात आला आहे. बँकेचा दर 4.25 टक्क्यांवर कायम आहे. RBI Monetary Policy Repo rate remains Same as 4 percent

विशेष प्रतिनिधी

मुंबई : रिझर्व्ह बँकेने सन 2021 साठी आज तिसरे आर्थिक धोरण जाहीर केले. रिझर्व्ह बँक ऑफ इंडियाचे गव्हर्नर शक्तिकांत दास यांनी व्याजदरामध्ये कोणताही बदल न करण्याचा निर्णय घेतला आहे. रेपो दर 4 टक्के ठेवण्यात आला आहे. त्याच वेळी, रिव्हर्स रेपो दर 3.35 टक्के कायम ठेवण्यात आला आहे. बँकेचा दर 4.25 टक्क्यांवर कायम आहे.

रिझर्व्ह बॅंकेचे गव्हर्नर म्हणाले, आर्थिक वर्ष 21 मधील वास्तविक जीडीपी -7.3 टक्के असेल. चांगल्या पावसाळ्यामुळे अर्थव्यवस्थेचे पुनरुज्जीवन शक्य आहे, असेही ते म्हणाले. ग्रोथ परत आणण्यासाठी पॉलिसी सपोर्ट खूप महत्त्वाचे आहे. रिझर्व्ह बँकेने चालू आर्थिक वर्ष म्हणजेच 2021-22 मधील विकास दर अंदाज कमी केला आहे. आरबीआयच्या म्हणण्यानुसार चालू आर्थिक वर्षात विकास दर 9.5 टक्के राहील. यापूर्वी रिझर्व्ह बँकेचा अंदाज 10.50 टक्के होता. गव्हर्नर दास म्हणाले की, कोरोनाचा प्रभाव संपेपर्यंत केवळ अकोमडेटिव्ह दृष्टिकोन राखला जाईल. ते म्हणाले की, जागतिक ट्रेंडमध्ये जसजशी वाढ होईल, तशी निर्यातीतही सुधारणा होईल.

वाढती महागाई महत्त्वाचे आव्हान

व्याजदर बदलू न देण्याबद्दल शक्तिकांत दास म्हणाले की, सतत वाढत्या महागाईमुळे रिझर्व्ह बँकेच्या चलनविषयक धोरण समितीने पॉलिसी रेटमध्ये बदल न करण्याचा निर्णय घेतला आहे.

किरकोळ महागाई दर 5.1 टक्के राहण्याची अपेक्षा

चालू आर्थिक वर्षात किरकोळ महागाई दर 5.1% राहील, असा विश्वास आहे. जूनच्या तिमाहीत किरकोळ महागाई 5.2 टक्के, सप्टेंबरच्या तिमाहीत 5.4 टक्के, डिसेंबर तिमाहीत 4.7 टक्के आणि मार्च तिमाहीत 5.3 टक्के राहण्याचा अंदाज आहे. रिझर्व्ह बँकेने किरकोळ महागाईचे लक्ष्य 4 टक्क्यांवर ठेवले आहे. तथापि, +/- 2 टक्केची विंडो अर्थात वरील मर्यादा 6% आणि खालची मर्यादा 2% ठेवण्यात आली आहे.

लसीकरणामुळे अर्थव्यवस्थेत स्थिरता येईल

शक्तिकांत दास म्हणाले की, लसीकरणामुळे अर्थव्यवस्थेच्या स्थिरतेस मदत होईल. जागतिक ट्रेंड्स जसजसे सुधारतील तशी निर्यात वाढेल. कमकुवत मागणीमुळे दराचा दबाव असतो. महागड्या क्रूड आणि लॉजिस्टिक खर्चात वाढ झाल्याने किमतीचा दबाव निर्माण झाला आहे. अशा वातावरणात धोरणांचे समर्थन प्रत्येक प्रकारे करणे आवश्यक आहे.

RBI Monetary Policy Repo rate remains Same as 4 percent

महत्त्वाच्या बातम्या