प्रतिनिधी
पिंपरी: चिंचवड शहरातील शाहूनगर येथील भारतरत्न अटलबिहारी वाजपेयी उद्यान उद्घाटन प्रसंगी सत्ताधारी भाजप विरोधात महाविकास आघाडीचे राष्ट्रवादी आणि शिवसेनेचे कार्यकर्ते आमनेसामने आले. यावेळी जोरदार घोषणाबाजी करण्यात आली. त्यामुळे या ठिकाणी तणावाचे वातावरण निर्माण झाले होते. पोलिसांनी सौम्य लाठीमार करून दोन्ही पक्षाच्या कार्यकर्त्यांना बाजूला काढले.Even before the program of Fadnavis in Pimpri, there was a great commotion among BJP-NCP workers
पिंपरी-चिंचवड महानगरपालिकेच्या अंतर्गत येणाऱ्या शाहूनगर परिसरात महापालिकेने 14 कोटी खर्च करुन भारतरत्न अटलबिहारी वाजपेयी उद्यान तयार केले आहे. या उद्यानामुळे शहराच्या नावलौकिकात भर पडणार आहे. आज संध्याकाळी या उद्यानाचे उद्घाटन माजी मुख्यमंत्री, विरोधी पक्षनेते देवेंद्र फडणवीस यांच्या हस्ते झाले.
या उद्घाटन सोहळ्यास काही वेळ शिल्लक असताना या ठिकाणी तणावाचे वातावरण निर्माण झाले. या ठिकाणी भारतीय जनता पार्टी, राष्ट्रवादी आणि शिवसेनेचे कार्यकर्ते आमने-सामने आल्याने तणावाचे वातावरण निर्माण झाले. पोलिसांना जमाव पांगवण्यासाठी सौम्य लाठीचार्ज करावा लागला. ‘चोर हे चोर हे, बीजेपी चोर हे’ आदी घोषणा राष्ट्रवादीच्या पदाधिकाऱ्यांनी दिल्या.
To be published, comments must be reviewed by the administrator.*
Our website uses cookies to improve your experience. Learn more