चीनमध्ये महापुराचे थैमान सुरूच, ३० लाखाहून अधिक नागरिकांना पुराचा फटका

By, Sachin Deshmukh - July 25, 2021 08:20:25

0

विशेष प्रतिनिधी

बीजिंग – चीनमध्ये महापुराचे थैमान सुरूच असून हेनान प्रांतात सुमारे ३० लाखाहून अधिक नागरिकांना पुराचा फटका बसला आहे. गेल्या एक हजार वर्षातील सर्वाधिक पाऊस म्हणून चीनच्या वेधशाळेने नोंद केली आहे.Flood in China in dangerous mood

मुसळधार पाऊस आणि महापुरामुळे सुमारे २१५,२०० हेक्टरवरील पिकांची नासाडी झाली आहे. या नासाडीमुळे सुमारे १८८.६ दशलक्ष डॉलर आर्थिक नुकसान सोसावे लागले आहे. हेनान प्रांताची राजधानी झेनग्झू येथील सब वे स्थानकात पाणी शिरल्याने १२ जणांचा मृत्यू तर पाच जण जखमी झाले.

चीनमध्ये उईगर मुस्लिमांचा छळ करण्यासाठी तब्बल २४० ताबा केंद्रे

या घटनेचे व्हिडिओ आणि सीसीटीव्ही फुटेज सोशल मीडियावर व्हायरल होत आहेत. सब वे मध्ये अडकलेले प्रवासी हँडलबारला पकडून मदतीची मागणी करताना दिसतात. यावेळी घटनास्थळी पोचलेल्या बचाव पथकाने काही जणांना वाचवले.

धरण फोडल्याने संपूर्ण झेनग्झू शहरात पाणी साचले आहे. शहरातील सुमारे दीड लाख नागरिकांना सुरक्षित ठिकाणी नेले आहे. काही जण कार्यालयात तर काही जण हॉटेलमध्ये थांबले आहेत. रेल्वेसेवा, बस सेवा आणि विमानसेवा बंद करण्यात आली आहे. सुमारे २६० उड्डाणे रद्द केली आहेत. तर १६० रेल्वेगाड्या रद्द केल्या.