LK Advani भाजपचे ज्येष्ठ नेते लालकृष्ण अडवाणी यांना रुग्णालयात दाखल; नेमकं काय घडलं?

By, wankhadepravin - October 17, 2026 07:58:46

0

विशेष प्रतिनिधी

नवी दिल्ली : भारतीय जनता पक्षाचे ज्येष्ठ नेते, माजी उपपंतप्रधान आणि भारतरत्न पुरस्कारप्राप्त लालकृष्ण अडवाणी (वय ९८) यांना छातीत संसर्ग झाल्यामुळे शुक्रवारी, १६ ऑक्टोबर रोजी सायंकाळी नवी दिल्लीतील अपोलो रुग्णालयात दाखल करण्यात आले. सध्या त्यांची प्रकृती स्थिर असून डॉक्टरांच्या देखरेखीखाली त्यांच्यावर उपचार सुरू आहेत. LK Advani

श्वसनविकार विभागात उपचार सुरू

मिळालेल्या माहितीनुसार, शुक्रवारी सायंकाळी साडेसातच्या सुमारास अडवाणी यांना रुग्णालयात आणण्यात आले. त्यानंतर त्यांना फुफ्फुस आणि श्वसनविकार विभागात दाखल करण्यात आले. डॉक्टरांचे विशेष पथक त्यांच्या प्रकृतीवर लक्ष ठेवून आहे. आवश्यक वैद्यकीय तपासण्या आणि उपचार सुरू असल्याची माहिती समोर आली आहे. LK Advani

‘मराठीला ज्ञानभाषा बनवणार’; AIपासून स्पेस टेक्नॉलॉजीपर्यंत फडणवीसांचा मोठा प्लॅन

यापूर्वीही करावे लागले होते रुग्णालयात दाखल

वयोमानानुसार उद्भवलेल्या आरोग्यविषयक समस्यांमुळे अडवाणी यांना यापूर्वी मे २०२६ मध्ये याच अपोलो रुग्णालयात दाखल करण्यात आले होते. उपचारानंतर प्रकृतीत सुधारणा झाल्याने त्यांना घरी सोडण्यात आले होते. त्याआधी २०२४ मध्येही आरोग्याच्या कारणास्तव त्यांना रुग्णालयात दाखल करण्यात आले होते. LK Advani

पंतप्रधान मोदींनी घेतली होती भेट

दरम्यान, पंतप्रधान नरेंद्र मोदी यांनी ७ ऑक्टोबर रोजी दिल्लीतील अडवाणी यांच्या निवासस्थानी भेट घेऊन त्यांचे आशीर्वाद घेतले होते. गुजरातचे मुख्यमंत्री आणि देशाचे पंतप्रधान म्हणून सरकारचे नेतृत्व करण्याच्या २५ वर्षांच्या प्रवासाच्या पार्श्वभूमीवर ही भेट झाली होती. LK Advani

मोदी यांनी समाजमाध्यमांवरील पोस्टमध्ये अडवाणी यांच्या प्रदीर्घ सार्वजनिक जीवनातील योगदानाचे कौतुक केले होते. देशाच्या प्रगतीत आणि भारताला अधिक सक्षम बनविण्यात अडवाणी यांनी महत्त्वाची भूमिका बजावल्याचे त्यांनी नमूद केले होते. LK Advani

भाजपच्या जडणघडणीत महत्त्वाचे योगदान

लालकृष्ण अडवाणी यांनी भारतीय जनता पक्षाच्या उभारणीत महत्त्वाची भूमिका बजावली आहे. केंद्र सरकारमध्ये त्यांनी गृहमंत्री आणि उपपंतप्रधान म्हणून काम पाहिले. सार्वजनिक जीवनातील त्यांच्या योगदानाची दखल घेत २०२४ मध्ये त्यांना देशाचा सर्वोच्च नागरी सन्मान असलेल्या ‘भारतरत्न’ पुरस्काराने गौरविण्यात आले.