Jammu and Kashmir : लश्करच्या 2 दहशतवाद्यांची घरे IED लावून पाडण्यात आली; जम्मू-काश्मीरमधील अनंतनागमध्ये हेड कॉन्स्टेबलच्या हत्येत सहभागी होते

By, wankhadepravin - July 24, 2026 05:00:57

0

वृत्तसंस्था

श्रीनगर : Jammu and Kashmir जम्मू-काश्मीरमधील अनंतनाग जिल्ह्यात प्रशासनाने गुरुवारी लश्कर-ए-तोयबा (LeT) च्या दोन दहशतवाद्यांची घरे IED लावून उद्ध्वस्त केली. लाल चौकात पोलीस दलाचे हेड कॉन्स्टेबल आशिक हुसैन कुरेशी यांच्या हत्येनंतर एक दिवसाने ही कारवाई करण्यात आली.Jammu and Kashmir

अधिकाऱ्यांच्या माहितीनुसार, ज्या दहशतवाद्यांची घरे पाडण्यात आली, त्यात बिजबेहडा येथील गुरी गावाचा रहिवासी आदिल ठोकर आणि हसनपोरा येथील रहिवासी हारून गनई यांचा समावेश आहे.Jammu and Kashmir

मंगळवारी दुपारी सुमारे साडेबारा वाजता कॉन्स्टेबल कुरेशी यांची गोळ्या झाडून हत्या करण्यात आली होती. या हल्ल्यात हे दोन्ही दहशतवादीही सामील होते. दक्षिण काश्मीरमधील अनंतनाग येथील लाल चौकात दहशतवाद्यांनी हे भ्याड कृत्य केले होते.Jammu and Kashmir

Devedra Fadanvis : कर्जमाफीची पहिली यादी आज; 68 लाख शेतकऱ्यांना लाभ; तिजोरीवर 4,400 कोटी रुपयांचा अतिरिक्त बोजा

अमरनाथ यात्रा ड्युटीवर तैनात होते कुरेशी

भारतीय राखीव पोलीस आणि एसओजी (SOG) शी संबंधित हेड कॉन्स्टेबल आशिक हुसैन कुरेशी अमरनाथ यात्रा ड्युटीवर तैनात होते. ज्यावेळी हा हल्ला झाला, त्यावेळी खराब हवामानामुळे अमरनाथ यात्रा तात्पुरती थांबवण्यात आली होती.

दुपारी सुमारे 12:30 वाजता दहशतवाद्यांनी त्यांना अगदी जवळून लक्ष्य केले आणि त्यांच्यावर अंदाधुंद गोळीबार केला. सुरक्षा दलांनी प्रत्युत्तर दिले, त्यानंतर दोन्ही बाजूंनी गोळीबार झाला. हल्ल्यानंतर दहशतवादी पळून गेले.

यावेळी हेड कॉन्स्टेबल आशिक हुसैन कुरेशी जखमी झाले. त्यांना तात्काळ सरकारी वैद्यकीय महाविद्यालय (GMC) रुग्णालयात नेण्यात आले, जिथे डॉक्टरांनी त्यांना मृत घोषित केले. शहीद जवान आशिक हुसैन यांच्या कुटुंबात पत्नी आणि तीन मुले आहेत.

लश्कर-ए-तोयबाशी संबंधित दहशतवादी संघटना द रेझिस्टन्स फ्रंट (TRF) ने या हल्ल्याची जबाबदारी स्वीकारली आहे.

दोघे 2018 पासून सक्रिय असल्याचे सांगितले जात आहे. सुरक्षा यंत्रणांनुसार, आदिल ठोकर लश्कर-ए-तैयबा (LeT) शी संबंधित आहे, तर सध्याच्या गुप्तचर माहितीनुसार हारून गनई हिजबुल मुजाहिदीन (HM) शी संबंधित आहे. मात्र, एका अन्य अधिकाऱ्याच्या निवेदनात दोघांनाही LeT चे दहशतवादी म्हटले आहे.

आदिल ठोकर 2018 मध्ये पंजाबमधील अटारी-वाघा सीमेमार्गे पाकिस्तानात गेला होता. तेथे त्याने दहशतवादी छावण्यांमध्ये प्रशिक्षण घेतले आणि गेल्या वर्षी कधीतरी पुन्हा जम्मू-काश्मीरमध्ये घुसखोरी करून परत आला.

हल्ल्यानंतर सुरक्षा दल आणि जम्मू-काश्मीर पोलिसांनी संपूर्ण काश्मीर खोऱ्यात व्यापक शोधमोहीम सुरू केली. एका वरिष्ठ अधिकाऱ्याने सांगितले की, 2,000 हून अधिक ओव्हर ग्राउंड वर्कर्स (OGW) ला ताब्यात घेण्यात आले आहे.

अधिकाऱ्यांच्या मते, ही कारवाई दहशतवादी आणि त्यांच्या समर्थन प्रणालीविरुद्ध सुरू असलेल्या मोहिमेचा भाग आहे. त्याचबरोबर, अनंतनागसह अनेक भागांमध्ये शोधमोहीम तीव्र करण्यात आली आहे. पोलीस आणि सुरक्षा दल अशा सर्व घटकांची ओळख पटवत आहेत, जे दहशतवाद्यांना राहण्याचे ठिकाण, आर्थिक मदत, वाहतूक आणि दळणवळणासारख्या सुविधा पुरवतात.