Khalistani Elements Disrupt Diljit Dosanjh’s 'Aura' Concert in Vancouver दिलजीत दोसांझच्या कॉन्सर्टमध्ये खालिस्तानी घोषणा; कॅनडात खालिस्तान समर्थक सुरक्षा कर्मचाऱ्यांना भिडले

Diljit Dosanjh : दिलजीत दोसांझच्या कॉन्सर्टमध्ये खालिस्तानी घोषणा; कॅनडात खालिस्तान समर्थक सुरक्षा कर्मचाऱ्यांना भिडले

वृत्तसंस्था

ओटावा : Diljit Dosanjh पंजाबी आणि बॉलिवूड गायक दिलजीत दोसांझच्या कॅनडामध्ये झालेल्या लाइव्ह कॉन्सर्टमध्ये गोंधळ निर्माण झाला. व्हँकुव्हरमध्ये झालेल्या ‘औरा-2026’ लाइव्ह कॉन्सर्टमध्ये खलिस्तान समर्थक पोहोचले आणि झेंडे दाखवून घोषणाबाजी करू लागले.Diljit Dosanjh

सुरक्षा कर्मचाऱ्यांनी त्यांना थांबवण्याचा प्रयत्न केला असता, खलिस्तान समर्थकांनी त्यांच्याशीही वाद घालण्यास सुरुवात केली. त्यानंतर एक पोस्टर जारी करून दिलजीत दोसांझ यांना भाजप-आरएसएसचे एजंट म्हटले. दिलजीत परदेशात राहणाऱ्या शिखांना भाजप-आरएसएसच्या जवळ आणण्याचे काम करत असल्याचा आरोप करण्यात आला.Diljit Dosanjh

फडणवीस – ठाकरे भेटीची सोडली पुडी; पण संशय पेरणी दोघांपैकी कुणाविषयी??

खलिस्तान समर्थक इथेच थांबले नाहीत आणि दिलजीतच्या पुढील कार्यक्रमांमध्येही गोंधळ घालण्याचा इशारा दिला आहे. माहितीनुसार, व्हँकुव्हरमध्ये घोषणाबाजी करणाऱ्यांमध्ये पवनदीप सिंग बस्सी आणि मनदीप सिंग रवी हे आघाडीवर होते, जे दहशतवादी गुरपतवंत सिंग पन्नूच्या ‘सिख फॉर जस्टिस’शी संबंधित आहेत.

खरं तर, दिलजीत दोसांझचा लाइव्ह कॉन्सर्ट 23 एप्रिल रोजी व्हँकुव्हरमध्ये होता. येथे खलिस्तान समर्थकांनी ‘खलिस्तान जिंदाबाद’ व्यतिरिक्त भारतविरोधी घोषणाबाजी केली आणि नंतर एक व्हिडिओ बनवून जारी केला, ज्यामध्ये दिलजीत दोसांझवर तीव्र टीका करण्यात आली.

पुढील शोमध्ये गोंधळ घालण्याची धमकी

खालिस्तान समर्थकांनी दिलजीत दोसांझवर हल्ला चढवत म्हटले की, तो पंतप्रधान मोदींसाठी देश-विदेशात आरएसएस-भाजपचा आधार तयार करत आहे. खालिस्तान समर्थकांनी धमकी दिली की, ते दिलजीतच्या इतर शोमध्येही जाऊन असाच गोंधळ घालतील. खालिस्तान समर्थकांनी सांगितले की, व्हँकुव्हरमध्ये सुरू झालेला विरोध इतर कार्यक्रमांमध्येही सुरू राहील. खालिस्तान समर्थकांचे म्हणणे आहे की, कॅलगरी, एडमोंटन, विनिपेग, टोरंटो, इलिनोइस, फ्लोरिडा, टेक्सास, न्यूयॉर्क, कॅलिफोर्नियामध्येही विरोध केला जाईल.