मोदी आज काश्मीरमध्ये येणार; दल सरोवराच्या काठावर योग करणार!

By, Pravin Wankhade - June 20, 2024 09:00:39

0

कधी आणि कोणत्या कार्यक्रमांना हजेरी लावणार हे जाणून घ्या Modi will come to Kashmir today will do yoga on the banks of Dal Lake

विशेष प्रतिनिधी

नवी दिल्ली : पंतप्रधान नरेंद्र मोदी आजपासून जम्मू-काश्मीरच्या दोन दिवसांच्या दौऱ्यावर आहेत. तिसऱ्यांदा पंतप्रधान झाल्यानंतर त्यांचा हा पहिलाच जम्मू-काश्मीर दौरा आहे. विशेष म्हणजे मोदी जम्मू-काश्मीरमध्ये आंतरराष्ट्रीय योग दिवस साजरा करणार आहेत. श्रीनगरमधील दल सरोवराच्या काठावर ते योग दिवस साजरा करणार आहेत.

योग दिनापूर्वी पीएम मोदी आज संध्याकाळी ६ वाजता तरुणांच्या कार्यक्रमात सहभागी होणार आहेत. श्रीनगरमधील शेर-ए-काश्मीर इंटरनॅशनल सेंटरमध्ये हा कार्यक्रम होणार आहे. अलीकडच्या काळात या केंद्रशासित प्रदेशात काही दहशतवादी घटनाही घडल्या आहेत.

राष्ट्रपतींकडून नरेंद्र मोदींची सलग तिसऱ्यांदा पंतप्रधानपदी नियुक्ती; 9 जून रोजी NDA मंत्रिमंडळाचा शपथविधी!!

पंतप्रधानांच्या दौऱ्याच्या पार्श्वभूमीवर संपूर्ण श्रीनगरला रेड झोन घोषित करण्यात आले आहे. शेर-ए-काश्मीर इंटरनॅशनल सेंटर आणि दल सरोवराच्या आजूबाजूला अशी अतिशय कडेकोट सुरक्षा व्यवस्था करण्यात आली आहे.

आपल्या दौऱ्यात पंतप्रधान मोदी जम्मू-काश्मीरला 1500 कोटी रुपयांचे प्रकल्प भेट देतील. यानंतर ते 21 जून रोजी सकाळी 6:30 वाजता आंतरराष्ट्रीय योग दिनानिमित्त श्रीनगरमध्ये योग कार्यक्रमात सहभागी होतील. 2015 पासून दरवर्षी योग दिनानिमित्त आयोजित करण्यात येणाऱ्या सोहळ्यांचे पंतप्रधान नेतृत्व करत आहेत. त्यांनी दिल्ली, चंदीगड, डेहराडून, रांची, लखनऊ, म्हैसूर आणि अगदी न्यूयॉर्कमधील संयुक्त राष्ट्र मुख्यालयासह विविध प्रतिष्ठित ठिकाणी योग दिन साजरे करण्याचे नेतृत्व केले आहे.

यंदाच्या योग दिनाची थीम ‘स्वयं आणि समाजासाठी योग’ अशी आहे आणि वैयक्तिक आणि सामाजिक कल्याणाला चालना देण्यासाठी त्याची दुहेरी भूमिका अधोरेखित करते. या कार्यक्रमामुळे तळागाळातील लोकांच्या सहभागाला आणि ग्रामीण भागात योगाचा प्रसार करण्यास प्रोत्साहन मिळेल, असे पीएमओने म्हटले आहे.