हिंदूच बनणार पंतप्रधान, मुख्यमंत्री, एसपी; संविधानात करणार दुरुस्ती,; प्रवीण तोगडिया यांचे वक्तव्य Hindus will become Prime Minister, Chief Minister, SP; To amend the constitution; Statement by Praveen Togadia

हिंदूच बनणार पंतप्रधान, मुख्यमंत्री, एसपी; संविधानात करणार दुरुस्ती,; प्रवीण तोगडिया यांचे वक्तव्य

प्रतिनिधी

भोपाळ : “आम्ही भारतात मुस्लिमांची संख्या वाढू देणार नाही. 2 पेक्षा जास्त मुलांना जन्म देणाऱ्या मुस्लिमांना सरकारी नोकऱ्या, सरकारी राशन, सरकारी शाळा, हॉस्पिटलमधील मोफत सुविधा, बँकांचे कर्ज आदी काहीच मिळणार नाही. त्यानंतरही त्यांनी मुलांना जन्म घातला तर त्यांना 10 वर्षांसाठी तुरुंगात डांबण्याचा कठोर कायदा या प्रकरणी तयार केला जाईल,“ असे वादग्रस्त विधान आंतरराष्ट्रीय हिंदू परिषदेचे अध्यक्ष प्रवीण तोगडिया यांनी केले आहे. Hindus will become Prime Minister, Chief Minister, SP; To amend the constitution; Statement by Praveen Togadia

तोगडिया यावेळी पुढे म्हणाले की, ‘सरकार हिंदूंच्या हाती येईल याची काळजी घेतली जाईल. देशात हिंदूंशिवाय कुणालाही पंतप्रधान, मुख्यमंत्री, मंत्री, डीएम, एसपी, जिल्हाधिकारी, न्यायाधीश होता येणार नाही, अशी घटना दुरुस्ती करून घेऊ. हे सर्व शक्य आहे.’

नर्मदापुरममध्ये गुरुवारी रात्री उशिरा तोगडिया यांनी हे विधान केले. हिंदू साथी संमेलनात सहभागी होण्यासाठी ते येथे आले होते. ते म्हणाले की, या परिषदेच्या माध्यमातून कोट्यवधी हिंदूंसाठी समृध्दी सेवा सन्मान, सहयोग संस्काराची व्यवस्था भारतात 24 तास उपलब्ध करून दिली जाईल. आमच्या खाजगी कॉल सेंटरला कॉल केल्यानंतर ही मदत सर्व गरजूंपर्यंत त्वरित पोहोचवली जाईल.

तबलिगी जमात-जमियतवर बंदी घाला, नाहीतर भारतात गृहयुद्ध होईल, प्रवीण तोगडियांची मागणी

हिंदूंनी घाबरण्याचे कारण नाही

कर्नाटकात बजरंग दलावर बंदी घालण्याच्या काँग्रेसच्या आश्वासनावरही तोगडिया यांनी प्रतिक्रिया दिली. ते म्हणाले, ‘ना कुणी बंदी घालेल ना, घालू दिली जाईल. ही कर्नाटकची निवडणूक होती. मतदारांना खूश करण्यासाठी नूरा कुस्ती सुरू होती. हिंदूंनी घाबरण्याचे कोणतेही कारण नाही. कोणतेही बंधन असणार नाही.

हिंदू प्रबोधनाचा दुसरा टप्पा सुरू

तोगडिया म्हणाले – रामजन्मभूमीसाठी आम्ही यशस्वी आंदोलन केले. आता आम्ही हिंदू प्रबोधनाच्या दुसऱ्या टप्प्यासाठी काम करत आहोत. यासाठी देशभरात 1 लाख केंद्रे बांधली जात आहेत. त्यात 1 कोटी हिंदू सामील होतील. हनुमान चालिसाच्या माध्यमातून या प्रकरणी सर्वांना जोडण्यात येईल. या केंद्रांच्या मदतीने गरीब हिंदू कुटुंबांना मोफत आरोग्य, शिक्षण व कायदेशीर मदत दिली जाईल.