मी हिंदू आहे म्हणून निवडणूक लढवू दिली नाही, लंडन विद्यापीठात भारतविरोधी मोहीम सुरू असल्याचा भारतीय विद्यार्थ्याचा आरोप|I was not allowed to contest because I am a Hindu, Indian student alleges that there is an anti-India campaign in London University

मी हिंदू आहे म्हणून निवडणूक लढवू दिली नाही, लंडन विद्यापीठात भारतविरोधी मोहीम सुरू असल्याचा भारतीय विद्यार्थ्याचा आरोप

वृत्तसंस्था

लंडन : ब्रिटनमधील एका महाविद्यालयात धर्म आणि भारतविरोधी टिप्प्यांविरुद्ध आवाज उठवल्याबद्दल भारतीय विद्यार्थ्याशी भेदभाव केल्याची घटना समोर आली आहे. करण कटारिया हा गुडगाव, हरियाणाचा रहिवासी लंडन विद्यापीठात युनियनची निवडणूक लढवत होता, परंतु हिंदू आणि भारतीय असल्याने त्याला अपात्र ठरवण्यात आले आहे. करण लंडन स्कूल ऑफ इकॉनॉमिक्समधून कायद्याचे शिक्षण घेत आहे.I was not allowed to contest because I am a Hindu, Indian student alleges that there is an anti-India campaign in London University

लंडन विद्यापीठात भारतविरोधी मोहीम चालवली जात असल्याचा आरोप भारतीय विद्यार्थ्याने केला आहे. करणने यासंदर्भात लोकशाही समितीकडे दाद मागितली, मात्र त्याची बाजू ऐकून घेण्यात आली नाही.

एवढेच नाही, तर काही इस्लामिक विद्यार्थी आणि एका लॉबीनेही त्याला विरोध केला. करणच्या उमेदवारीविरोधात 24 मार्च रोजी व्हॉट्सअॅप ग्रुपवर मोहीम सुरू करण्यात आली आणि करणवर हिंदू राष्ट्रवादी असल्याचा आरोप करत त्याला निवडणुकीतून हाकलण्यात आले.

यमुनेला लंडनच्या थेम्स प्रमाणे करण्याचे आश्वासन, केजरीवालांनी स्वच्छेतेवर खर्च केले ६ हजार ८०० कोटी मात्र परिस्थिती जैसे थे!

हिंदूफोबियामुळे लक्ष्य केले

दैनिक भास्करने दिलेल्या वृत्तानुसार, करणने सांगितले की, कॅम्पसमध्ये धर्माविरुद्ध बोलणे आणि भारतविरोधी वक्तव्ये केल्यामुळे त्याच्याशी भेदभाव केला जातो. 2 एप्रिल रोजी ट्विटरवर त्याने सरचिटणीसपदासाठी निवडणूक लढवण्यास अपात्र झाल्याची माहिती दिली.

I have faced personal, vicious, and targeted attacks due to the anti-India rhetoric and Hinduphobia. I demand that the @lsesu is transparent about its reasoning.

I will not be a SILENT victim of Hinduphobia.
@LSEnews @HCI_London @BobBlackman pic.twitter.com/65LKaFAI7J

— Karan Kataria (@karanatLSE) April 2, 2023

करणने आरोप केला होता की, त्याच्या भारत समर्थक भूमिकेमुळे आणि हिंदूफोबियामुळे त्याला वैयक्तिकरीत्या लक्ष्य करण्यात आले. याबाबत कॉलेजने योग्य तो निर्णय घ्यावा, अशी मागणी करणने केली आहे.

करण म्हणाला, “मित्रांनी मला निवडणूक लढवण्यासाठी प्रोत्साहन दिले, पण काही लोकांना माझ्यासारख्या भारतीय-हिंदूला LSESU चे नेतृत्व करणे पचनी पडले नाही. त्यामुळे त्यांनी माझी प्रतिमा खराब केली.

६ महिन्यांपूर्वी गुरुग्रामहून लंडनला शिक्षणासाठी गेला

करणने सांगितले की, 2022 मध्ये त्याने गुरुग्राममधील एका खासगी विद्यापीठातून बीबीए, एलएलबीमध्ये विद्यापीठात अव्वल स्थान पटकावले होते. यानंतर तो लंडनमध्ये शिकण्यासाठी गेला आणि 7 महिन्यांत त्याने चांगली प्रतिमा तयार केली.

हरियाणा भाजपचे मीडिया प्रभारी अरविंद सैनी यांनी सांगितले की, करणने मला सांगितले आहे. वर्णद्वेषाच्या अशा घटना निंदनीय आहेत. आज देश हे सहन करणार नाही. पंतप्रधान नरेंद्र मोदी याप्रकरणी नक्कीच पावले उचलतील.

विद्यापीठाचे स्पष्टीकरण

कोणत्याही प्रकारच्या छळाच्या विरोधात असल्याचे विद्यापीठाचे म्हणणे आहे. विद्यापीठ प्रशासनाने विद्यार्थी संघटनेच्या निवडणुकीचा आढावा घेण्यास सांगितले आहे.

विद्यापीठाच्या म्हणण्यानुसार, नियमानुसार विद्यार्थी संघटनेच्या निवडणुकीसाठी उमेदवारांना मतदान करणाऱ्या विद्यार्थ्यांपासून दोन मीटरचे अंतर राखावे लागते. याचे उल्लंघन केल्याने एका विद्यार्थ्याला अपात्र ठरवण्यात आले आहे.