पुरोहितांनी ई श्रम कार्ड योजनेसाठी नोंदणी करावी; अखिल ब्राह्मण मध्यवर्ती संस्था दिनदर्शिकेचे प्रकाशन । Priests should register for e-labor card scheme Publication of Akhil Brahmin Central Organization Calendar

पुरोहितांनी ई श्रम कार्ड योजनेसाठी नोंदणी करावी; अखिल ब्राह्मण मध्यवर्ती संस्था दिनदर्शिकेचे प्रकाशन

विशेष प्रतिनिधी

पुणे : ब्राह्मण समाजातील आर्थिकदृष्ट्या दुर्बल कुटुंबातील विद्यार्थ्यांच्या शिक्षणासाठी मदत व्हावी या दृष्टीने ट्रस्ट स्थापन करण्याचे काम अंतिम टप्प्यात आहे. लवकरच या माध्यमातून गरजूंना मदत दिली जाईल अशी घोषणा भाजप प्रदेशाध्यक्ष चंद्रकांत पाटील यांनी केली. Priests should register for e-labor card scheme Publication of Akhil Brahmin Central Organization Calendar

अखिल मध्यवर्ती ब्राह्मण संस्था नाशिकच्या पुणे केंद्राच्या दिनदर्शिकेच्या प्रकाशन प्रसंगी ते बोलत होते. यावेळी संस्थेचे केंद्र प्रमुख मकरंद माणकीकर,भाजप चे प्रवक्ते व संस्थेचे मार्गदर्शक संदीप खर्डेकर, कार्यवाह विश्वनाथ भालेराव ,उल्हास पाठक,शिरीष आठल्ये,माधव ताटके,सुवर्णा रिसबूड,पल्लवी गाडगीळ,अनंत खेडलेकर आदी पदाधिकारी उपस्थित होते.

ई-श्रम पोर्टलवर तब्बल दीड कोटीहून जास्त कामगारांची नोंदणी

यावेळी माणकीकर यांनी समाज सहाय्यक संस्थेच्या माध्यमातून केल्या जाणाऱ्या उपक्रमांची माहिती दिली, त्यावेळी पाटील यांनी उपस्थितांशी संवाद साधला. ट्रस्ट साठी कायमस्वरूपी निधी संकलन करून त्यातील व्याजाच्या उत्पन्नाचा समाजहितासाठी विनियोग करता येईल, असे सांगतानाच मी एक लाख रुपयांचा धनादेश देतो असेही पाटील यांनी जाहीर केले तसेच पुरोहितांनी ई श्रम कार्ड योजनेसाठी नोंदणी करावी, त्याचा दीर्घकालीन लाभ होईल असेही पाटील म्हणाले.