दिल्ली अबकारी धोरण प्रकरणात संजय सिंह यांना झटका!|Court rejects Sanjay Singhs bail plea in Delhi Excise Policy case

दिल्ली अबकारी धोरण प्रकरणात संजय सिंह यांना झटका!

राऊस अॅव्हेन्यू कोर्टाने संजय सिंह यांचा जामीन अर्ज फेटाळला

विशेष प्रतिनिधी

नवी दिल्ली : दिल्लीच्या अबकारी धोरणाशी संबंधित मनी लाँड्रिंग प्रकरणात आम आदमी पक्षाचे (आप) खासदार संजय सिंह यांना शुक्रवारी मोठा धक्का बसला. राऊस अॅव्हेन्यू कोर्टाने संजय सिंह यांचा जामीन अर्ज फेटाळला आहे.Court rejects Sanjay Singhs bail plea in Delhi Excise Policy case

संजय सिंह यांना तूर्तास जामीन नाही, पुढील सुनावणी 6 डिसेंबरला; दिल्ली कोर्टाची ईडीला नोटीस

गुरुवारी (21 डिसेंबर) न्यायालयाने दिल्लीच्या मद्य धोरणाशी संबंधित मनी लॉन्ड्रिंग प्रकरणात आप नेते संजय सिंह यांच्या न्यायालयीन कोठडीत 10 जानेवारीपर्यंत वाढ केली होती. त्यापूर्वी 11 डिसेंबर रोजी न्यायालयाने सिंह यांच्या न्यायालयीन कोठडीत 10 दिवसांची वाढ केली होती.

खरं तर, अनेक तासांच्या छाप्यानंतर आणि चौकशीनंतर ईडीने 4 ऑक्टोबर रोजी आप नेते संजय सिंह यांना अटक केली होती. दिल्लीच्या मद्य धोरणात अनेक अनियमितता झाल्याचा आरोप ईडीने केला आहे. धोरणाच्या माध्यमातून पैसे घेऊन मद्य विक्रेत्यांचा फायदा झाल्याचा आरोप आहे.