Tokyo Olympics: सिंधुने रचला इतिहास, भारतासाठी जिंकले आणखी एक मेडल, चिनी खेळाडूला हरवून कांस्य पदकावर कोरले नाव

By, shreekant patil - August 1, 2021 06:34:27

0

Tokyo Olympics P V Sindhu makes history, wins another Bronze medal for India, defeats Chinese player

Tokyo Olympics : स्टार भारतीय शटलर पीव्ही सिंधूने चमकदार कामगिरी करत कांस्यपदक जिंकले आहे. रविवारी खेळल्या गेलेल्या कांस्यपदकाच्या सामन्यात तिने जागतिक क्रमवारीत 9 व्या क्रमांकावर असलेल्या चीनच्या ही बिंग जिओचा 21-13, 21-15 असा पराभव केला. जागतिक क्रमवारी 7 क्रमांकाच्या सिंधूला हा सामना जिंकण्यात कोणतीही अडचण आली नाही. तिने हा सामना अवघ्या 52 मिनिटांत जिंकला. Tokyo Olympics P V Sindhu makes history, wins another Bronze medal for India, defeats Chinese player

वृत्तसंस्था

टोकियो : स्टार भारतीय शटलर पीव्ही सिंधूने चमकदार कामगिरी करत कांस्यपदक जिंकले आहे. रविवारी खेळल्या गेलेल्या कांस्यपदकाच्या सामन्यात तिने जागतिक क्रमवारीत 9 व्या क्रमांकावर असलेल्या चीनच्या ही बिंग जिओचा 21-13, 21-15 असा पराभव केला. जागतिक क्रमवारी 7 क्रमांकाच्या सिंधूला हा सामना जिंकण्यात कोणतीही अडचण आली नाही. तिने हा सामना अवघ्या 52 मिनिटांत जिंकला.

टोकियो ऑलिम्पिकमधील भारताचे हे तिसरे पदक आहे. प्रथम मीराबाई चानूने 49 किलो वेटलिफ्टिंग प्रकारात रौप्य पदक पटकावले. त्याचबरोबर, बॉक्सर लोव्हलिना बोर्गोहेनने 69 किलो वेल्टरवेट प्रकारात उपांत्य फेरी गाठून भारतासाठी पदक पक्के केले आहे.

26 वर्षीय सिंधूचे ऑलिम्पिकमधील हे दुसरे पदक आहे. यापूर्वी तिने 2016च्या रिओ ऑलिम्पिकमध्ये रौप्य पदक जिंकले होते. यासह सिंधू ऑलिम्पिकमध्ये दोन पदके जिंकणारी दुसरी भारतीय बनली आहे. तिच्या आधी कुस्तीपटू सुशील कुमारने ही अनोखी कामगिरी केली आहे. सुशीलने बीजिंग ऑलिम्पिक (2008) मध्ये कांस्यपदक आणि लंडन ऑलिम्पिक (2012) मध्ये रौप्य पदक जिंकले.

एकूण ऑलिम्पिक बॅडमिंटन स्पर्धेत भारताचे हे तिसरे पदक आहे. सिंधूव्यतिरिक्त सायना नेहवालनेही ऑलिम्पिकमध्ये पदक पटकावले आहे. 2012च्या लंडन ऑलिम्पिकमध्ये सायनाने कांस्यपदक मिळवले होते.

भारताची ऑलिम्पिक बॅडमिंटनमधील पदके

सायना नेहवाल
कांस्यपदक : लंडन ऑलिम्पिक (2012)

पीव्ही सिंधू
कांस्य पदक : रिओ डी जानेरो (2016)

पीव्ही सिंधू
कांस्य पदक : टोकियो ऑलिम्पिक (2020)

पहिल्यांदा सिंधूने चांगली सुरुवात केली आणि 4-0 अशी आघाडी घेतली. यानंतर, बिंग जिओने पुनरागमन केले आणि 5-5 अशी बरोबरी केली. त्यानंतर सिंधूने शानदार शॉट्ससह गेमच्या शेवटपर्यंत 11-8 अशी आघाडी घेतली. यावेळी सिंधूने ही आघाडी जाऊ दिली नाही आणि हा पहिला गेम 23 मिनिटांत जिंकला.

दुसऱ्या गेममध्येही सिंधूने खेळाच्या मध्यांतराच्या वेळी 11-8 अशी आघाडी मिळवताना शानदार सुरुवात केली. मात्र, चीनच्या खेळाडूने सलग तीन गुण घेत स्कोर 11-11 केला. यानंतर सिंधूने सलग चार गुण घेत स्कोअर 15-11 केला. अखेरीस सिंधूने दुसरा गेम 29 मिनिटांत जिंकून कांस्यपदकावर दावा केला. संपूर्ण सामन्यात बिंग जियाओ सिंधूच्या जोरदार स्मॅशसमोर अनेक वेळा जमिनीवर पडल्याचे दिसून आले.

बिंग जियाओवर सिंधूचा हा सातवा विजय आहे. याआधी खेळलेल्या 15 पैकी 9 सामने बिंग जियाओने जिंकले होते. तर सिंधूने सहा सामने जिंकले होते.

…असा होता सिंधूचा प्रवास

2019 वर्ल्ड चॅम्पियन पीव्ही सिंधू ग्रुप-जे मध्ये अव्वल स्थान मिळवून बाद फेरीसाठी पात्र ठरली होती. 25 जुलै रोजी झालेल्या तिच्या पहिल्या सामन्यात तिने इस्रायलच्या केसेनिया पोलिकारपोवाचा 21-7, 21-10 असा पराभव केला.

यानंतर, बुधवारी शेवटच्या गट सामन्यात तिने हाँगकाँगच्या च्युंग नांगन यीचा 21-9, 21-16 असा पराभव केला. त्यानंतर राउंड -16 मध्ये तिने डेन्मार्कच्या मिया ब्लिचफेल्डचा 21-15, 21-13 असा पराभव करत उपांत्यपूर्व फेरी गाठली. यानंतर सिंधूने उपांत्यपूर्व फेरीत जपानच्या अकाने यामागुचीचा 21-13, 22-20 असा पराभव केला.

उपांत्य फेरीत चायनीज तैपेईच्या जागतिक नंबर 1 ताई त्झू यिंगकडून सिंधूचा 18-21, 12-21 असा पराभव झाला. यानंतरचे सिंधूचे सुवर्णपदक जिंकण्याचे स्वप्न भंगले होते.

Tokyo Olympics P V Sindhu makes history, wins another Bronze medal for India, defeats Chinese player

महत्त्वाच्या बातम्या