वडेट्टीवर कन्येकडून सावरकरांची बदनामी; काँग्रेसला महाराष्ट्राचे राजकारण नेमके कुठल्या वळणावर न्यायचे आहे??|Rahul Gandhi vacates government bungalow, shifts to mother Sonia's house; A notice to vacate the house was received after the MP left

राहुल गांधींनी रिकामा केला सरकारी बंगला, आई सोनियांच्या घरी झाले शिफ्ट; खासदारकी गेल्यानंतर मिळाली होती घर रिकामे करण्याची नोटीस

वृत्तसंस्था

नवी दिल्ली : काँग्रेस नेते आणि केरळमधील वायनाडचे माजी खासदार राहुल गांधी यांनी शुक्रवारी 12 तुघलक रेडचे अधिकृत निवासस्थान रिकामे केले. त्यांचे सामान त्यांच्या मातोश्री सोनिया गांधी यांच्या 10 जनपथ येथील निवासस्थानी हलवण्यात आले आहे.Rahul Gandhi vacates government bungalow, shifts to mother Sonia’s house; A notice to vacate the house was received after the MP left

सुमारे 19 वर्षे हा बंगला त्यांचे अधिकृत निवासस्थान होते, परंतु खासदारकीनंतर त्यांना हा बंगला रिकामा करण्याचे आदेश देण्यात आले होते.

‘’राहुल गांधींनी महाराष्ट्रात पाय ठेवण्यापूर्वी…’’; चंद्रशेखर बावनकुळेंचे सूचक विधान!

#WATCH | Trucks from Congress leader Rahul Gandhi's 12 Tughlak Lane bungalow leave for his mother and UPA chairperson, MP Sonia Gandhi's residence at 10 Janpath.

He is vacating his residence after being disqualified as Lok Sabha MP. pic.twitter.com/t4gANaLaRm

— ANI (@ANI) April 14, 2023

23 मार्च रोजी सुरत कोर्टाने मानहानीच्या एका प्रकरणात त्यांना 2 वर्षांची शिक्षा सुनावली होती. यानंतर अल्पावधीतच त्यांना जामीनही मिळाला. दुसऱ्याच दिवशी राहुल यांचे लोकसभा सदस्यत्व रद्द करण्यात आले. 27 मार्च रोजी त्यांना बंगला रिकामा करण्याची नोटीस देण्यात आली होती.

नोटीस मिळाल्यानंतर राहुल म्हणाले होते की, सरकारी बंगल्याशी माझ्या अनेक चांगल्या आठवणी जोडल्या गेल्या आहेत. त्यानंतर काँग्रेसचे अध्यक्ष मल्लिकार्जुन खरगे यांनी त्यांना त्यांच्या किंवा सोनियांच्या बंगल्यावर स्थलांतरित होण्याचा सल्ला दिला होता.

27 मार्च रोजी लोकसभा गृहनिर्माण समितीने राहुल यांना 12 तुघलक रोड येथील त्यांचे अधिकृत निवासस्थान रिकामे करण्याची नोटीस पाठवली होती. बंगला रिकामा करण्यासाठी 24 एप्रिलपर्यंतची मुदत देण्यात आली होती. नोटीस मिळाल्यानंतर दुसऱ्या दिवशी राहुल यांनी लोकसभा सचिवालयाचे उपसचिव डॉ. मोहित रंजन यांना लेखी उत्तर पाठवले.

राहुल यांनी आपल्या उत्तरात लिहिले होते की, मी 4 वेळा लोकसभेचा खासदार निवडून आलो. हा जनतेचा जनादेश आहे, त्यासाठी मी जनतेचा आभारी आहे. या घराशी माझ्या अनेक चांगल्या आठवणी जोडलेल्या आहेत. नोटीसमध्ये दिलेल्या आदेशाचे मी पालन करीन. हा बंगला 2005 मध्ये राहुल यांना देण्यात आला होता, जेव्हा ते 2004 मध्ये पहिल्यांदा अमेठीमधून खासदार म्हणून निवडून आले होते.