राहुल गांधींचे ट्विटर अकाउंट एका आठवड्यानंतर पुन्हा सुरू, इतर काँग्रेस नेत्यांचे हँडल्सही अनलॉक

Rahul Gandhi Twitter account restored after a week, IDs of other Congress leaders also unlocked

Rahul Gandhi Twitter account restored : काँग्रेस खासदार राहुल गांधी यांचे ट्विटर खाते आता एका आठवड्यानंतर पुन्हा अनलॉक करण्यात आले आहे. यासोबतच काँग्रेसच्या इतर नेत्यांचे ट्विटर आयडीही अनलॉक करण्यात आले आहेत. काँग्रेसच्या एका नेत्याने सांगितले की, राहुल गांधी यांच्यासह पक्षाच्या वरिष्ठ नेत्यांची खातीही सुरू झाली आहेत. Rahul Gandhi Twitter account restored after a week, IDs of other Congress leaders also unlocked 


विशेष प्रतिनिधी

नवी दिल्ली : काँग्रेस खासदार राहुल गांधी यांचे ट्विटर खाते आता एका आठवड्यानंतर पुन्हा अनलॉक करण्यात आले आहे. यासोबतच काँग्रेसच्या इतर नेत्यांचे ट्विटर आयडीही अनलॉक करण्यात आले आहेत. काँग्रेसच्या एका नेत्याने सांगितले की, राहुल गांधी यांच्यासह पक्षाच्या वरिष्ठ नेत्यांची खातीही सुरू झाली आहेत.

ट्विटरने राहुल गांधी, काँग्रेस आणि पक्षाच्या अनेक वरिष्ठ नेत्यांची ट्विटर खाती बंद केली होती. काँग्रेसचे सरचिटणीस के. सी. वेणुगोपाल, मुख्य प्रवक्ते रणदीप सुरजेवाला, सरचिटणीस अजय माकन, जितेंद्र सिंह, खासदार माणिकम टागोर, महिला काँग्रेस अध्यक्षा सुष्मिता देव, प्रवक्ते पवन खेरा आणि इतर अनेक नेत्यांची ट्विटर खाती लॉक करण्यात आली होती.

काही दिवसांपूर्वी दिल्लीतील कथित बलात्कार आणि हत्या झालेल्या नऊ वर्षीय मुलीच्या पालकांसोबतच्या भेटीचे छायाचित्र शेअर केल्याबद्दल माजी काँग्रेस अध्यक्षांचे ट्विटर खाते बंद करण्यात आले होते. ट्विटरने म्हटले होते की, त्यांनी नियमानुसार ही कारवाई केली आहे.

यानंतर राहुल गांधींनी आरोप करत म्हटले होते की, अमेरिकन कंपनी भारताच्या राजकीय प्रक्रियेत हस्तक्षेप करत आहे. राहुल गांधी यांनी त्यांचे ट्विटर खाते बंद केल्याच्या पार्श्वभूमीवर शुक्रवारी ट्विटरवर हल्लाबोल केला होता. लोकशाही रचनेवर हा हल्ला असून ट्विटर पक्षपाती आहे आणि सरकारच्या सूचनेनुसार काम करत असल्याचा दावाही त्यांनी केला होता.

Rahul Gandhi Twitter account restored after a week, IDs of other Congress leaders also unlocked

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    शिंदे – फडणवीसांची समृद्धी महामार्गावर टेस्ट ड्राईव्ह मोदींनी केला जगातील सर्वात मोठा रोड शो! मंत्रालयात प्रवेशद्वाराजवळ महात्मा फुले, सावित्रीबाई फुले यांच्या तैलचित्राचे अनावरण